Эканоміка11

У «Беларуськалія» ўзніклі праблемы з пастаўкамі ўгнаенняў праз Пецярбургскі порт

Кампанія «Балтыйскі судамеханічны завод» (БСМЗ) у пецярбурскім порце прыпыніла перавалку мінеральных угнаенняў па кантракце з «Беларуськаліем», высветліла расійскае выданне «Фонтанка».

Прычына ўзніклых праблем — у тым, што «Беларуськалій» не пагадзіўся з цаной за перавалку, расказалі выданню эксперты галіны, знаёмыя з пытаннем. Цяпер адносна гэтага вядуцца перамовы, і перавалка беларускіх угнаенняў будзе адноўлена «ў агляднай будучыні», запэўнілі ў БСМЗ.

Замест беларускіх калійных угнаенняў у гэтым порце цяпер грузяць расійскі вугаль. На тэрмінал ужо прыйшлі першыя тры саставы з Кемераўскай вобласці, далейшыя пастаўкі таксама ўжо закантрактаваныя.

Балтыйскі суднамеханічны завод у сярэдзіне нулявых перайшоў пад кантроль мільярдэра Ільі Трабера. Раней, пакуль у Беларусі і Расіі быў доступ да партоў у краінах Балтыі, завод заўсёды перагружаў невялікія аб'ёмы камерцыйных грузаў і лічыўся ў другім дзясятку такіх кампаній пецярбургскага порта без асаблівых перспектыў. Але траплянне рэжыму Лукашэнкі пад заходнія санкцыі, а пасля і пачатак вайны ў 2022 годзе надалі гэтаму прадпрыемству другое дыханне.

Тэрмінал БСМЗ ствараўся ў тым ліку з прыцэлам і на беларускіх партнёраў. Улады Пецярбурга прапаноўвалі Мінску пабудаваць перавалачныя тэрміналы ў розных мясцовых партах, але па розных прычынах нідзе не зраслося.

«Большасць аператараў адмовіліся працаваць з беларусамі з розных прычын, магчыма, праз боязь другасных санкцый. Партнёры Іллі Трабера, які даўно ўжо пад самымі рознымі санкцыямі, папрасілі яго дапамагчы — стварыць тэрмінал, мы яго стварылі», — казаў выданню «Фонтанка» летась генеральны дырэктар БСМЗ Яўген Саўкін.

Транспартную апрацоўку ўгнаенняў «Беларуськалія» на тэрмінале Балтыйскага суднамеханічнага завода запусцілі ў канцы 2022 года. На першым этапе ў развіццё магутнасцяў завод інвеставаў каля 1,5 млрд рублёў. Увесну мінулага года кампанія скончыла другую чаргу рэканструкцыі і завяршыла будаўніцтва комплексу па прыёме мінералавозаў, што дазволіла выйсці на магутнасць каля 7 млн тон у год.

Яшчэ каля 4 млрд рублёў планавалася ўкласці на працягу найбліжэйшага года ў рэканструкцыю прычалаў і замахнуцца ў будучыні на 10 мільёнаў тон магутнасці. За 2023 год БСМЗ перагрузіў каля двух мільёнаў тон беларускіх угнаенняў, атрымаў 3,1 мільярда рублёў і закрыў год з чыстым прыбыткам у 579 мільёнаў рублёў.

Каментары1

  • Мост
    18.06.2024
    Што, руzкія “брацця” ўжо пачалі рукі выкручваць ды задзіраць цэны на перавалку грузаў. Калі мазгоў няма, то і далей супрацоўнічайце з маскоўска-піцерскімі барыгамі.

Паветраная гімнастка паказала закуліссе працы ў Белдзяржцырку7

Паветраная гімнастка паказала закуліссе працы ў Белдзяржцырку

Усе навіны →
Усе навіны

Інтраверт, экстраверт… атраверт? Псіхіятр прапануе новы тып асобы5

Нямецкі дыпламат: Пуцін перамог на перамовах з Трампам3

Трамп заявіў, што зараз дамоўленасць па Украіне залежыць ад Зяленскага5

Трамп параіў Украіне згаджацца на здзелку з Расіяй. На якую — не распавёў4

Пуцін і Трамп скончылі перамовы. Трамп заявіў, што здзелкі пакуль няма10

На Гродзеншчыне пабачылі незвычайнага бусла. Не белы і не чорны, а шэры ФОТАФАКТ4

Рэнавацыя не па-расійску: хрушчоўкі ў Мінску зносіць не плануюць5

Перамовы паміж Трампам і Пуціным пачаліся7

Трамп сустрэў Пуціна ў аэрапорце9

больш чытаных навін
больш лайканых навін

Паветраная гімнастка паказала закуліссе працы ў Белдзяржцырку7

Паветраная гімнастка паказала закуліссе працы ў Белдзяржцырку

Галоўнае
Усе навіны →

Заўвага:

 

 

 

 

Закрыць Паведаміць