Актывісты прыехалі на польска-беларускую мяжу «блакаваць рух». Але гэта блакаванне ўмоўнае
Беларускія актывісты Руслан Хазін і Дзмітрый Балкунец пачалі акцыю частковага блакавання руху на польска-беларускай мяжы. Яны дамагаюцца вызвалення беларускіх палітвязняў. Акцыя ўзгодненая мясцовымі ўладамі, піша Most.
Па ўмовах акцыі, 4 ліпеня з 9.00 да 18.00 (па польскім часе) актывісты маюць права абмяжоўваць рух грузавых аўтамабіляў па нацыянальнай трасе № 68 у бок дарогі № 2, прапускаючы грузавікі раз у 30 хвілін. Пры гэтым фуры, якія едуць у напрамку тэрмінала ў Карошчыне, а таксама легкавыя аўтамабілі, наступныя ў абодва бакі, праязджаюць без абмежаванняў.
Блакаванне — вельмі ўмоўнае. Як распавёў Most Руслан Хазін, асноўны рух фур ідзе ў той бок, які не блакуецца падчас акцыі. А па перакрытым участку дарогі раніцай 4 ліпеня і так праязджае ў сярэднім адзін аўтамабіль раз у 15-20 хвілін. Таму фактычна рух не ўскладнены.
Актывісты мяркуюць, што сэнс акцыі ў прыцягненні ўвагі.
— Галоўнае, каб пайшло папярэджанне на той [беларускі] бок, — сказаў Хазін.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек1
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары