Па версіі паліцыі, служачая арміі Аўстраліі тайна прыехала ў Расію і праінструктавала мужа, як пераслаць ёй сакрэтныя звесткі. Пакуль пары пагражае да 15 гадоў турмы, але пакаранне могуць зрабіць аж да пажыццёвага
У Аўстраліі затрымалі двух грамадзян расійскага паходжання паводле падазрэння ў падрыхтоўцы да збору звестак пра армію для перадачы Расіі, паведамляе РБК. Гэта першы выпадак крымінальнай справы аб шпіянажы з прыняцця ў 2018 годзе законаў у Аўстраліі аб замежным умяшанні.
Арыштаваныя 62-гадовы Ігар Каралёў і 40-гадовая Кіра Каралёва, радавая аўстралійскіх абаронных сіл. Яны жылі ў Аўстраліі больш за дзесяць гадоў і некалькі гадоў таму атрымалі грамадзянства Аўстраліі. Іх затрымалі ў іх доме ў Эвертан-парку, прыгарадзе горада Брысбэн. Ім пагражае да 15 гадоў зняволення.
Па версіі следства, Каралёва здзейсніла незадэклараваную паездку ў Расію падчас працяглага адпачынку, падчас яе праінструктавала мужа, як зайсці ў яе ўліковы запіс і атрымаць доступ да матэрыялаў, якія неабходна ёй адправіць.
Паліцыя высветліць, ці адбылася перадача інфармацыі, а таксама як чалавек з доступам да сакрэтных звестак змог выехаць у Расію.
Пару падазраюць па адным пункце абвінавачвання ў падрыхтоўцы да шпіянажу. Больш сур'ёзны артыкул — шпіянаж — патрабуе прамой даказанай сувязі з замежнай дзяржавай і пагражае турэмным зняволеннем на тэрмін ад 25 гадоў да пажыццёвага. У паліцыі папярэдзілі, што справу могуць перакваліфікаваць на больш строгі артыкул, калі будзе выяўлена новая інфармацыя.
Судовае паседжанне прызначанае на 20 верасня.
Шпіянаж — не нейкая незвычайная з'ява, а цалкам рэальная, бо «мноства краін спрабуюць скрасці сакрэты Аўстраліі», сказаў кіраўнік разведкі Майк Бёрджэс. Ён адмовіўся каментаваць справу, бо суд яшчэ не разгледзеў падазрэнні паліцыі.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску23
Каментары