«Чалавек збярог для вас паветра!» У тыктоку спрачаюцца, ці можна ляжаць у плацкарце ў абутку
Дзяўчына абурылася тым, што хлопец у плацкарце лёг на сваё месца ў красоўках.
Тыкток-блогерка ехала ў цягніку з Баранавічаў у Мінск. І раптам пабачыла, што хлопец, які сядзеў недалёка, вырашыў прылегчы. Здавалася б, нічога дзіўнага: дарога далёкая, сядзець некалькі гадзін не кожны падарожнік захоча. Але малады чалавек не зняў красоўкі.
«У мяне торгаецца вока, гэта нармальна?» — спыталася дзяўчына ў карыстальнікаў тыктоку.
Відэа набрала каля 400 тысяч праглядаў. Пачалася актыўная дыскусія. Шмат хто палічыў, што насамрэч хлопец паклапаціўся пра бяспеку ўсяго вагона. Хто ж ведае, можа яго шкарпэткі — гэта ўжо біялагічная зброя? «Я неяк двое сутак у плацкарце ўлетку ехала. Паверце, так лепш», — падзялілася не самым прыемным досведам адна дзяўчына.
Даволі вялікая колькасць каментатараў не пабачыла праблемы: надвор’е цёплае, асаблівага бруду на вуліцы няма — а калі пасля паездкі малады чалавек яшчэ і пратрэ паліцу вільготнымі сурвэткамі, дык увогуле выдатна. Але блогерка сцвярджае, што гэтага не адбылося — на сваім прыпынку малады чалавек проста ўстаў і пайшоў.
Некаторыя ж лічаць: пасажыр заплаціў за квіток і можа рабіць на сваім месцы што захоча, а прыбраць потым вагон — праца супрацоўнікаў чыгункі.
Частку жартаў прысвяцілі няшчасным красоўкам хлопца: «Ну, New Balance 530 у 2024 годзе гэта, канешне, жах».
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі27
Каментары