Гродзенская міліцыя ў сваёй штодзённай зводцы здарэнняў, паведамленні пра якія па начах паступаюць на лінію «102», згадала пра трывожную сітуацыю, якая адбылася ў ноч з 5 на 6 верасня пад Гроднам.
«У 20:38 кіроўца вялікагруза паведаміў, што на прыпынку грамадскага транспарту паблізу вёскі Квасоўка дзеці чакалі, калі машына пад'едзе бліжэй, пасля чаго кідаліся пад колы аўтамабіля», — паведамілі ва УУС Гарадзенскага аблвыканкама.
Пасля атрымання паведамлення на гэта месца паехаў экіпаж ДАІ, які разбіраецца ў сітуацыі.
Як піша выданне autogrodno.by, некаторы час таму ў дзяцей была папулярная гульня «Бяжы або памры», калі падлеткі выскоквалі пад машыны. Першая згадка пра яе ў сацсетках з'явілася ў 2015 годзе, а сутнасць была ў наступным: паспець перабегчы дарогу перад аўтамабілем, аўтобусам ці цягніком. Выйграе той, хто застанецца жывы.
Ці ў тое ж самае гуляюць дзеці з вёскі пад Гроднам, належыць яшчэ высветліць.
Цяпер чытаюць
Знойдзена цела супрацоўніцы віцебскай хіміі — яе шукалі два з паловай гады1
Каментары