Паверхня Антарктыкі ўсё больш пакрываецца зелянінай, і гэта наступства змены клімату. За апошнія 40 гадоў плошча азелянення ў Антарктыдзе і Антарктыцы вырасла ў 10 разоў, паведамляе The Guardian.
Паводле спадарожнікавых дадзеных, у 1986 годзе зялёнае покрыва складала менш за адзін квадратны кіламетр, але да 2021 годзе павялічылася да 12. Даследчыкі выявілі, што расліны, у асноўным мох, сталі тут расці хутчэй з 2016 года.
Цяпер частка антарктычных тэрыторый выглядае зусім не так, як мы прызвычаіліся ўяўляць вечна халоднае царства.
Азялененая частка нязначная ў параўнанні з астатняй плошчай Антарктыкі, якая ўсё яшчэ пакрытая снягамі і льдамі. Аднак, па словах навукоўцаў, глабальнае пацяпленне праходзіць тут у сярэднім хутчэй, чым у іншых частках планеты.
Доктар Томас Роланд з Эксетэрскага ўніверсітэта лічыць, што ў будучыні гэта пацягне за сабой «фундаментальныя змены ў біялогіі і ландшафце». Даследаванне было апублікавана ў часопісе Nature Geoscience.
«Малюсенькая доля (маецца на ўвазе тэрыторыя азелянення) рэзка ўзрасла, што сведчыць пра тое, што нават на гэтую шырокую і ізаляваную дзікую мясцовасць уплывае антрапагеннае змяненне клімату».
Даследчыкі заўважылі, што ў 2016 годзе марскі лёд у Антарктыцы значна падтаў, што стала адной з прычын хуткага росту раслін. Усё гэта вядзе да павелічэння вільготнасці: імхі будуць усё больш «заваёўваць» скалы і ствараць аснову для глебы, а затым могуць з'явіцца і іншыя расліны.
Сталі вядомыя пераможцы штогадовай прэміі за найлепшыя ФОТЫ дзікай прыроды
Лукашэнка прапанаваў Пуціну махнуць у Антарктыду
Чалавек засольвае планету. Навукоўцы патрабуюць, каб некаторыя меры былі прынятыя проста зараз
У Марыянскай упадзіне знойдзены новы вірус. Ён можа аказацца самым глыбакаводным у свеце
Рэкордна нізкі ўзровень лёду ў Антарктыдзе забіў тысячы птушанят пінгвінаў
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары