Pavierchnia Antarktyki ŭsio bolš pakryvajecca zielaninaj, i heta nastupstva źmieny klimatu. Za apošnija 40 hadoŭ płošča azielanieńnia ŭ Antarktydzie i Antarktycy vyrasła ŭ 10 razoŭ, paviedamlaje The Guardian.
Pavodle spadarožnikavych dadzienych, u 1986 hodzie zialonaje pokryva składała mienš za adzin kvadratny kiłamietr, ale da 2021 hodzie pavialičyłasia da 12. Daśledčyki vyjavili, što raśliny, u asnoŭnym moch, stali tut raści chutčej z 2016 hoda.
Ciapier častka antarktyčnych terytoryj vyhladaje zusim nie tak, jak my pryzvyčailisia ŭjaŭlać viečna chałodnaje carstva.
Azialenienaja častka niaznačnaja ŭ paraŭnańni z astatniaj płoščaj Antarktyki, jakaja ŭsio jašče pakrytaja śniahami i ldami. Adnak, pa słovach navukoŭcaŭ, hłabalnaje paciapleńnie prachodzić tut u siarednim chutčej, čym u inšych častkach płaniety.
Doktar Tomas Rołand z Eksieterskaha ŭniviersiteta ličyć, što ŭ budučyni heta paciahnie za saboj «fundamientalnyja źmieny ŭ bijałohii i łandšafcie». Daśledavańnie było apublikavana ŭ časopisie Nature Geoscience.
«Malusieńkaja dola (majecca na ŭvazie terytoryja azielanieńnia) rezka ŭzrasła, što śviedčyć pra toje, što navat na hetuju šyrokuju i izalavanuju dzikuju miascovaść upłyvaje antrapahiennaje źmianieńnie klimatu».
Daśledčyki zaŭvažyli, što ŭ 2016 hodzie marski lod u Antarktycy značna padtaŭ, što stała adnoj z pryčyn chutkaha rostu raślin. Usio heta viadzie da pavieličeńnia vilhotnaści: imchi buduć usio bolš «zavajoŭvać» skały i stvarać asnovu dla hleby, a zatym mohuć źjavicca i inšyja raśliny.
Stali viadomyja pieramožcy štohadovaj premii za najlepšyja FOTY dzikaj pryrody
Łukašenka prapanavaŭ Pucinu machnuć u Antarktydu
Čałaviek zasolvaje płanietu. Navukoŭcy patrabujuć, kab niekatoryja miery byli pryniatyja prosta zaraz
U Maryjanskaj upadzinie znojdzieny novy virus. Jon moža akazacca samym hłybakavodnym u śviecie
Rekordna nizki ŭzrovień lodu ŭ Antarktydzie zabiŭ tysiačy ptušaniat pinhvinaŭ
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča20
Kamientary