Свет88

Трамп запатрабаваў закрыць USAID за «карупцыю»

Прэзідэнт ЗША ў пятніцу запатрабаваў закрыць амерыканскае гуманітарнае агенцтва USAID. Паводле планаў адміністрацыі Трампа, з 10 тысяч супрацоўнікаў USAID у агенцтве застануцца крыху больш за 600 чалавек, паведамляе Бі-бі-сі.

Фота: Anna Moneymaker / Getty Images

Трамп абвінаваціў агенцтва ў карупцыі, але не прывёў ніякіх канкрэтных доказаў карупцыі ў USAID.

«[Навіны пра] USAID злуюць левых радыкалаў, але што яны могуць зрабіць, калі грошы траціліся настолькі незразумела, — напісаў Трамп у сваёй сацсетцы Truth Social. — Такой карупцыі мы даўно не бачылі. Закрыць яго!»

З прыходам да ўлады Трамп загадаў замарозіць амаль усю замежную дапамогу ЗША, заявіўшы, што яго адміністрацыя перагледзіць выдаткі, каб пераканацца, што грошы размяркоўваюцца ў адпаведнасці з яго знешняй палітыкай «Амерыка перадусім». Работа USAID і праграмы замежнай дапамогі ўжо прыпыненыя, а агенцтва фактычна перайшло пад кіраванне Дзярждэпартамента ЗША.

У чацвер супрацоўнікі USAID атрымалі паведамленне, што адміністрацыя прэзідэнта плануе пакінуць толькі 611 ключавых супрацоўнікаў. Раней амерыканскія СМІ паведамлялі, што з 10 тыс. чалавек, якія працуюць у USAID па ўсім свеце, могуць захаваць працу не больш за 300.

У прыватнасці, пасля скарачэння агенцтва больш чым у 30 разоў у афрыканскім бюро застануцца толькі 12 чалавек, а ў азіяцкім — восем.

Больш за 2 тысячы чалавек да вечара пятніцы мусілі былі адправіцца ў адміністрацыйны адпачынак.

Прафсаюзы, якія прадстаўляюць інтарэсы дзяржаўных служачых, падалі ў суд. У пятніцу федэральны суддзя Карл Нікалс вынес «вельмі абмежаванае» часовае рашэнне, паводле якога 2200 супрацоўнікаў USAID пакуль не будуць адпраўленыя ў адміністрацыйны адпачынак.

Суддзя пагадзіўся з прадстаўнікамі пазоўнікаў, што супрацоўнікам USAID будзе нанесеная «непапраўная шкода», калі планы адміністрацыі Дональда Трампа не будуць прыпыненыя.

Як адзначае Reuters, судзя Нікалс, відаць, не схільны задавальняць іншыя патрабаванні прафсаюзаў, сярод якіх — адкрыць доступ да будынкаў USAID і аднавіць фінансаванне грантаў ды кантрактаў агенцтва.

USAID — гэта незалежнае агенцтва з уласным бюджэтам, якое адказвае за кіраванне амерыканскімі праграмамі замежнай дапамогі і развіцця. У яго штаце працуе каля 10 тысяч чалавек па ўсім свеце. Былы прэзідэнт Джо Байдэн увёў кіраўніка агенцтва USAID у Раду нацыянальнай бяспекі.

Агенцтва было створанае ў 1961 годзе пры адміністрацыі прэзідэнта Джона Ф. Кенэдзі і стала гуманітарным падраздзяленнем урада ЗША. Штогод яно выдзяляе мільярды даляраў на барацьбу з беднасцю, лячэнне хвароб, ліквідацыю наступстваў голаду і стыхійных бедстваў. Акрамя таго, USAID «садзейнічае пабудове дэмакратыі і развіццю грамадства», падтрымліваючы недзяржаўныя арганізацыі, незалежныя СМІ і сацыяльныя ініцыятывы.

У 2023 годзе USAID выдаткавала каля 38,1 мільярда даляраў на свае праекты, што складае каля 0,6% усіх дзяржаўных выдаткаў ЗША (6,1 трыльёна даляраў).

З прыходам да ўлады Трамп загадаў замарозіць амаль усю замежную дапамогу ЗША, заявіўшы, што яго адміністрацыя перагледзіць выдаткі, каб пераканацца, што грошы размяркоўваюцца ў адпаведнасці з яго знешняй палітыкай «Амерыка перадусім».

Мільярдэр Ілан Маск называў USAID «неверагодна палітычна прадузятым» і казаў, што яно падтрымлівае «радыкальна левыя мэты па ўсім свеце, уключаючы антыамерыканскія рэчы». Паводле яго слоў, уратаваць USAID немагчыма: «Гэта не чарвівы яблык, гэта клубок чарвякоў».

Дзяржсакратар Марка Рубіа, якому даручылі часова кіраваць USAID, сфармуляваў прэтэнзіі да агенцтва так: яно лічыць сябе «глабальнай дабрачыннай арганізацыяй» і не думае пра інтарэсы краіны і грошы амерыканскіх падаткаплацельшчыкаў.

Апытанні паказваюць, што многія амерыканцы скептычна ставяцца да выдаткаў на замежную дапамогу. Паводле апытання AP-NORC, праведзенага ў сакавіку 2023 года, дзевяць з дзесяці рэспубліканцаў лічаць, што краіна марнуе празмерна шмат сродкаў.

Былыя кіраўнікі USAID раскрытыкавалі план скарачэння штата. Адзін з іх, Гейл Сміт, у інтэрв’ю BBC падкрэсліў, што ЗША заўсёды першымі спяшаліся на дапамогу падчас гуманітарных крызісаў па ўсім свеце.

«Калі вы спыняеце ўсё гэта, вы падаеце вельмі трывожныя сігналы, — сказала Сміт. — ЗША даюць зразумець, што нам адкрыта ўсё роўна, жывуць людзі ці паміраюць, і што мы не з’яўляемся надзейным партнёрам».

Каментары8

  • Бабло онлі
    08.02.2025
    Цяпер карупцыю ачоліць МАГА і ДОГЕ - Доні і Ілан.
  • Лявон
    08.02.2025
    Барадзед, он диктатор, который захватывает власть прямо сейчас. И просто так уже не уйдет
  • Andrew
    08.02.2025
    Браво Трамп! Давно пора было закрыть организацию, финансирующую всякого рода левацкое мракобесие!

Цяпер чытаюць

Ці пагражае Крыму блакада праз паралізаваны Крымскі мост?16

Ці пагражае Крыму блакада праз паралізаваны Крымскі мост?

Усе навіны →
Усе навіны

«Настаў час крыху адступіць». Сабаленка расказала, што заставалася за кадрам яе няўдалага сезона4

Ізраіль загрузіў мільёны фотаздымкаў у сістэму распазнавання твараў Amazon, каб сачыць за палесцінцамі7

У МУС расказалі, колькі працоўных мігрантаў прыехала ў Беларусь і колькі злачынстваў яны здзейснілі1

Як у кіно. У цэнтры Гродна 19‑гадовы хлопец з аднаго ўдару паваліў слуп13

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных6

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

больш чытаных навін
больш лайканых навін

Ці пагражае Крыму блакада праз паралізаваны Крымскі мост?16

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць