Грамадства22

Бернардзінскі кляштар у Дуброўне аддаюць ужо амаль задарма

На аўкцыённай пляцоўцы Беларускай універсальнай таварнай біржы зноў збіраюцца прадаваць будынак былога бернардзінскага кляштара ў Дуброўне. Гэта ўжо далёка не першыя таргі, і калі раней за будынак спрабавалі ўзяць хоць нейкія грошы, то цяпер гатовыя аддаць усяго за адну базавую велічыню, піша Blizko.by.

Будынак агульнай плошчай 456,6 квадратнага метра быў узведзены яшчэ ў XIX стагоддзі. Паколькі будынак манастыра з'яўляецца помнікам гісторыка-культурнай спадчыны, то купец абавязваецца выконваць пэўныя патрабаванні ў частцы аховы гэтай спадчыны.

Разам з кляштарам пакупнік атрымае ў арэнду на 50 гадоў прылеглую тэрыторыю. У апісанні лота сказана, што выкарыстоўваць зямельны ўчастак можна для размяшчэння аб'ектаў жыллёвага будаўніцтва, адміністрацыйнага прызначэння, гатэльнага прызначэння, фізкультурна-аздараўленчага прызначэння, рознічнага гандлю, культурна-асветнага і (або) відовішчнага прызначэння і іншай прадпрымальніцкай дзейнасці.

Спачатку кляштар выставілі на таргі ў кастрычніку 2024 года. Тады за яго хацелі 371 000 рублёў. Таргі не адбыліся, і аб'ект перавыставілі са зніжэннем кошту: за 74 200 рублёў (гэта значыць, кошт знізілі роўна ў 5 разоў, або на 80%). Але і па гэтай цане ў студзені аўкцыён не адбыўся па прычыне адсутнасці заявак.

Цяпер кляштар перавыстаўлены на таргі ўсяго за 1 базавую велічыню, або 42 рублі. Такім чынам, адносна першапачатковай цаны кошт знізіўся ў 8833 разы.

Першы крок таргоў складае 2,1 рубля. Акрамя таго, пераможца павінен будзе пакрыць выдаткі на правядзенне таргоў: 100 рублёў. Такім чынам, стаць уладальнікам манастыра можна мінімум за 144,1 рубля, або прыкладна за 46 даляраў ЗША.

Таргі прызначаныя на 30 красавіка 2025 года.

Каментары2

  • Karl
    12.04.2025
    Bernardynski. Nievuki. Chto vas vučyú, sipaty mabyć😊
    • Бернардзінец
      13.04.2025
      Karl, https://verbum.by/?q=бернардзінцы

Мельнікава рыхтавала сваё знікненне і маніпулявала атачэннем. Пакуль няясна, ці дзейнічала яна па камандзе з Мінска58

Мельнікава рыхтавала сваё знікненне і маніпулявала атачэннем. Пакуль няясна, ці дзейнічала яна па камандзе з Мінска

Усе навіны →
Усе навіны

Учора ў Беларусі было да +20°С1

Яшчэ адзін беларус дэбютаваў у Нацыянальнай хакейнай лізе1

Беларусы ў Літве набываюць сабе патрыятычныя аўтамабільныя нумары. Вось колькі гэта каштуе32

У Іспаніі затрымалі пару, якая прадавала рэдкіх катоў з Беларусі

У гродзенскай школе папрасілі не выкарыстоўваць ў малюнках георгіеўскую стужку. Бондарава ў шале22

Два палонныя кітайцы расказалі, як трапілі на вайну супраць Украіны2

Фонды Мастацкага музея папоўніліся партрэтамі Леніна3

Хакеісты мінскага «Дынама» пасля трэніроўкі з Лукашэнкам двойчы запар бязвольна саступілі. Сёння з 3:0 да 3:415

Беларусь перадала Літве яе грамадзяніна, асуджанага за фінансавыя афёры. Ён ехаў праз мяжу з чужым пашпартам4

больш чытаных навін
больш лайканых навін

Мельнікава рыхтавала сваё знікненне і маніпулявала атачэннем. Пакуль няясна, ці дзейнічала яна па камандзе з Мінска58

Мельнікава рыхтавала сваё знікненне і маніпулявала атачэннем. Пакуль няясна, ці дзейнічала яна па камандзе з Мінска

Галоўнае
Усе навіны →

Заўвага:

 

 

 

 

Закрыць Паведаміць