Больш за 60,6 тыс. абітурыентаў запісаліся для здачы цэнтралізаванага тэсціравання. Рэгістрацыя на ЦТ завяршылася 22 красавіка, піша БелТА са спасылкай на дырэктара Рэспубліканскага інстытута кантролю ведаў Юрыя Міксюка.
Дырэктар РІКВ удакладніў, што сёлета абітурыенты плануюць напісаць больш за 86,2 тыс. тэстаў.
Самы папулярны прадмет — замежная мова, якую будуць здаваць больш за 17,1 тыс. чалавек. На другім месцы фізіка, на якую зарэгістраваліся больш за 13,7 тыс. абітурыентаў. У топ-5 таксама руская мова (11,5 тыс. тых, хто паступае), матэматыка (больш за 11,4 тыс.) і гісторыя Беларусі (больш за 8,5 тыс.).
26 мая адбудуцца цэнтралізаваны экзамен па прадмеце на выбар для 11-класнікаў і ЦТ па прадмеце на выбар для выпускнікоў мінулых гадоў і выпускнікоў каледжаў. ЦЭ па беларускай або рускай мове для 11-класнікаў і ЦТ па гэтых жа мовах для выпускнікоў мінулых гадоў і выпускнікоў каледжаў запланаваны на 29 мая. Акрамя таго, 2 і 5 чэрвеня пройдуць ЦТ па прадмеце на выбар для ўсіх абітурыентаў.
Рэзервнымі днямі для ЦТ у гэтым годзе вызначаны 19, 21, 23 чэрвеня, а для ЦЭ — 21, 23 чэрвеня.
«Арабскі шэйх засунуў даляры ў кішэню». Блогер Vadimati Ермашук цяпер працуе ахоўнікам люксавых буцікоў3
Каментары