У Клімавічах 24 верасня адбыўся пажар у раённым цэнтры карэкцыйна-развіваючага навучання і рэабілітацыі, што знаходзіцца на вуліцы 20 гадоў Кастрычніка, паведаміла прэс-служба Міністэрства надзвычайных сітуацый.
Паведамленне пра задымленне ў кухні на першым паверсе будынка паступіла ў МНС у 11:34. Прычынай стала ўключэнне электрычнай духоўкі, у якой адбылося загаранне.
На месца адразу выехалі сем адзінак пажарна-выратавальнай тэхнікі. Калі ратавальнікі прыбылі, адкрытага агню ўжо не было. Супрацоўнікі цэнтра хутка зрэагавалі на сітуацыю: яны адключылі электразабеспячэнне і тым самым не далі агню распаўсюдзіцца, пасля чаго ён патух самастойна.
Да прыезду МНС з будынка эвакуяваліся ўсе — 23 чалавекі, у тым ліку шэсць дзяцей. На шчасце, абышлося без пацярпелых.
Цяпер чытаюць
Над шэрым кардыналам Нацбанка згусціліся хмары? Затрымалі яго сябра, былога выканаўчага дырэктара Банка развіцця7
Каментары