«Пасля нашага з табой пакалення мужыкоў няма». Лукашэнка наракае, што мужчыны-беларусы «стапталіся»
Падчас паездкі ў Любанскі раён Лукашэнка які ўжо раз закрануў дэмаграфічную праблему ў Беларусі. Падчас наведвання будаўніцтва горна-ўзбагачальнага комплексу ў Любанскім раёне ён сярод іншага панаракаў, што ў Беларусі цяпер ужо зусім не тыя не толькі жанчыны, але і мужчыны.
Звяртаючыся да былога кіраўніка «Беларуськалія» Івана Галаватага, які цяпер прысутнічае сярод кіраўніцтва новага аб'екта, Лукашэнка сказаў:
«Дзяўчаты нараджаць не хочуць. Цяпер мы будзем думаць пра новыя меры падтрымкі шматдзетных і іншых сем'яў. Не толькі жыллё. Хоць я думаў — жыллё пабудуем, усе пабягуць нараджаць. Нічога падобнага. Не трэба жыллё, усё гэта…
Ну, не ўсе, ёсць нармальныя жанчыны, якія нараджаюць. Ды і мужыкі ўжо, бачыш, стапталіся мужыкі. Пасля нашага з табой пакалення мужыкоў няма, як зерне вышукваем».
Дарэчы, Іван Галаваты, якога Лукашэнка залічыў да аднаго з сабой пакалення, нарадзіўся 15 чэрвеня 1976 года, то-бок ён за Лукашэнку маладзейшы амаль на 22 гады. Старэйшы сын Лукашэнкі фактычна равеснік Галаватага і нават на некалькі месяцаў старэйшы — ён нарадзіўся 28 лістапада 1975 года.
Панаракаўшы на «не тых» у параўнанні з ранейшымі жанчын і мужчын, Лукашэнка кінуўся ў развагі пра тое, што пры кожным прадпрымстве, якое будуецца, павінна стварацца добрая сацыяльная інфраструктура — толькі без перабору з колькасцю людзей, каб у выніку не агаліць вёску, дзе не будзе каму працаваць.
Пры гэтай нагодзе Лукашэнка не ўтрымаўся, каб не кінуць камень у агарод мінчукоў, на якіх даўно мае крыўды:
«Не проста як у Мінску будуем-будуем-будуем-будуем — і што толку? Панабудавалі, а пасля людзі прыходзяць і кажуць: «Ну вось мы тут жывём, нам патрэбна праца». І нам даводзіцца хімічыць. Атрымліваецца, не карова да сена ідзе, а сена да каровы. Таму — арэнднае жыллё пад вытворчасць. […] Тады будзе толк у краіне».
«Давайце будзем паліваць». Лукашэнка расказаў пра эксперымент, які мае вырашыць праблемы з бульбай
Лукашэнка: Продажы калійных угнаенняў вярнуліся на дасанкцыйны ўзровень
Лукашэнка параўнаў горна-ўзбагачальны камбінат у Любанскім раёне з атамнай станцыяй
Лукашэнка прызнаўся, што цяпер надта цяжка збыць беларускае масла
Цяпер чытаюць
Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння10
Каментары