Амаль 90% вёскі Блатэн было знішчана або пахавана пад масай лёду, гразі і каменю. На шчасце, усе 300 жыхароў былі эвакуірваныя загадзя. Аднак адзін чалавек лічыцца зніклым без вестак.
У швейцарскіх Альпах амаль цалкам знішчана вёска Блатэн. Напярэдадні каля 15:30 адбыўся маштабны апоўзень, які літаральна знёс усё на сваім шляху.
Людзей у дамах ужо не было — жыхароў Блатэна паспелі эвакуяваць. Аднак на гэтым бедствы не скончыліся — цяпер рэгіёну пагражае паводка, піша Bild.
Як паведамілі ўлады кантона Вале, рэчышча ракі Лонца аказалася заблакаваным. З-за распачатага напярэдадні дажджу вада падымаецца яшчэ хутчэй.
«Пачынае ўтварацца возера, якое становіцца ўсё больш і больш. Маса снегу і камянёў пасля абвалу дзейнічае як плаціна, і рака знойдзе шлях, каб прабіцца — мы не можам гэта кантраляваць», — заявіў геолаг Рафаэль Маёрац.
Улады тэрмінова звярнуліся па дапамогу да швейцарскай арміі. Людзей просяць строга выконваць указанні ўладаў і не набліжацца да небяспечнай зоны. Таксама былі эвакуяваныя суседнія вёскі.
Цяпер чытаюць
Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі7
Каментары