Amal 90% vioski Błaten było źniščana abo pachavana pad masaj lodu, hrazi i kamieniu. Na ščaście, usie 300 žycharoŭ byli evakuirvanyja zahadzia. Adnak adzin čałaviek ličycca źnikłym bieź viestak.
U šviejcarskich Alpach amal całkam źniščana vioska Błaten. Napiaredadni kala 15:30 adbyŭsia maštabny apoŭzień, jaki litaralna źnios usio na svaim šlachu.
Ludziej u damach užo nie było — žycharoŭ Błatena paśpieli evakujavać. Adnak na hetym biedstvy nie skončylisia — ciapier rehijonu pahražaje pavodka, piša Bild.
Jak paviedamili ŭłady kantona Vale, rečyšča raki Łonca akazałasia zabłakavanym. Z-za raspačataha napiaredadni daždžu vada padymajecca jašče chutčej.
«Pačynaje ŭtvaracca voziera, jakoje stanovicca ŭsio bolš i bolš. Masa śniehu i kamianioŭ paśla abvału dziejničaje jak płacina, i raka znojdzie šlach, kab prabicca — my nie možam heta kantralavać», — zajaviŭ hieołah Rafael Majorac.
Ułady terminova źviarnulisia pa dapamohu da šviejcarskaj armii. Ludziej prosiać stroha vykonvać ukazańni ŭładaŭ i nie nabližacca da niebiaśpiečnaj zony. Taksama byli evakujavanyja susiednija vioski.
Ciapier čytajuć
Piać pytańniaŭ, jakija zastajucca paśla śmierci eks-vykładčyka BNTU Ščukina, što ŭciakaŭ ad milicyi7
Kamientary