Стан дзяцей, што разбіліся ў ДТЗ у Воранаўскім раёне, вельмі цяжкі
Учора ў Гродзенскай вобласці адбылося ДТЗ, у выніку якога загінула аднагадовае дзіця.
Каля 23:35 55-гадовы кіроўца аўтамабіля Mercedes у счэпцы з паўпрычэпам рухаўся на 58-м кіламетры дарогі «Іўе — Тракелі — Радунь». Пры выездзе з закруглення дарогі ён здзейсніў з’езд на правую абочыну, у выніку чаго страціў кіраванне над аўтамабілем. У выніку машына апынулася на паласе сустрэчнага руху, дзе адбылося лабавое сутыкненне з «Audi» пад кіраваннем 34-гадовага мужчыны.
Аднагадовае дзіця ў легкавіку загінула на месцы аварыі.
Двое дарослых і двое дзяцей з Audi былі транспартаваныя ў Лідскую ЦРБ, дзе ім правялі ўсе неабходныя дыягнастычныя і лячэбныя мерапрыемствы, уключаючы хірургічныя ўмяшанні, паведамляе Мінздароўя.
Стан дзяцей ацэньваецца як вельмі цяжкі і цяжкі. Медыцынскую дапамогу аказвалі дактары Лідскай ЦРБ, а таксама спецыялісты абласнога ўзроўню, якія неадкладна прыбылі на месца. Дадаткова былі выкліканыя спецыялісты рэспубліканскага ўзроўню.
Цяпер чытаюць
Стала вядома імя яшчэ аднаго палкоўніка ДФР, арыштаванага КДБ. Ён расказваў сукамернікам, як яго катавалі10
Каментары