У Беларусі турфірмы вымушаныя пераносіць «лавандавыя экскурсіі», бо з-за халоднага надвор’я лаванда не зацвіла ў звыклы тэрмін. Звычайна сезон яе цвіцення прыпадае на перыяд з 25 чэрвеня да 20 ліпеня, але ў 2025 годзе прырода крыху змясціла графік, паведаміў Рэспубліканскі саюз турыстычнай індустрыі.
Шматлікія аграсядзібы і фермерскія гаспадаркі, дзе вырошчваюць лаванду, супрацоўнічаюць з турыстычнымі кампаніямі, каб прыцягваць гасцей на квітнеючыя палі. Людзі там з задавальненнем фатаграфуюцца, набываюць духмяныя сувеніры і адпачываюць на прыродзе.
Аднак экскурсіі, што былі запланаваны на выхадныя 28—29 чэрвеня, могуць не адбыцца, бо лаванда яшчэ не цалкам распусцілася.
Арганізатары абяцаюць, што ўжо ў сярэдзіне наступнага тыдня, калі будуць доўгія выхадныя, паездкі адновяцца. Яны просяць прабачэння — і ад свайго імя, і ад імя лаванды.
Дарэчы, сіноптыкі абяцаюць, што надвор’е неўзабаве палепшыцца.
Цяпер чытаюць
Стала вядома імя яшчэ аднаго палкоўніка ДФР, арыштаванага КДБ. Ён расказваў сукамернікам, як яго катавалі10
Каментары