Згодна з пастановай Міністэрства антыманапольнага рэгулявання і гандлю №50 ад 18 ліпеня 2025 года, у краіне плануецца павелічэнне тарыфаў на перавозку пасажыраў і багажу чыгуначным транспартам у межах краіны. Павышэнне складзе ў сярэднім ад 5 да 15% — у залежнасці ад віду злучэння, паведамляе БелТА.
Фота ілюстрацыйнае
На гарадскіх лініях тарыфы павышаюцца:
- на 20 капеек у межах аднаго тарыфнага пояса (напрыклад, Мінск — Гарадзішча);
- на 25 капеек у межах двух паясоў.
На рэгіянальных і міжрэгіянальных лініях цана будзе залежаць ад адлегласці, класа абслугоўвання (эканом ці бізнэс), тыпу вагона і рухомага саставу.
Прыклады павышэння:
- Мінск — Рудзенск (эканом): +25 капеек;
- Мінск — Бабруйск (бізнэс): +55 капеек
- Мінск — Віцебск (эканом): плацкарт: +82 капейкі; купэ: +1,13 рубля;
- Мінск — Гомель (бізнэс): вагон 2-га класа: +1,20 рубля; 1-га класа: +1,65 рубля.
У МАРГ нагадалі, што апошняе павышэнне тарыфаў было ў красавіку 2024 года. Новыя цэны пачнуць дзейнічаць пасля афіцыйнага апублікавання пастановы.
Цяпер чытаюць
Трагедыя ў Барысаўскай бальніцы: унучка пацыента кажа, што на яго звярнулі ўвагу праз шэсць гадзін, калі ўжо пена пайшла з рота — ён памёр13
Каментары