Лукашэнка разнёс падначаленых за правал у запуску фармацэўтычнага прадпрыемства
15 жніўня Аляксандр Лукашэнка на нарадзе па развіцці біяфармацэўтыкі паведаміў, што на прадпрыемстве «БелВітуніфарм» у вёсцы Доўжа Віцебскага раёна дагэтуль не запусцілі вытворчы комплекс па выпуску вакцын для людзей, і дарагое абсталяванне стаіць без справы.
Лукашэнка нагадаў, што паводле ўказа № 430 ад 3 лістапада 2021 года на гэты праект з розных бюджэтаў было выдзелена 68,1 мільёна рублёў. Лукашэнка падкрэсліў, што ён падпісаў указ па просьбе адказных асоб, і цяпер хоча ведаць, хто адкажа за тое, што работа не завершаная.
Паводле яго слоў, галоўная перашкода — інвестыцыйныя праекты, якія знаходзяцца на рознай стадыі гатоўнасці. Лукашэнка паставіў задачу вызначыцца, ці прадпрыемства будзе самастойна дабудоўваць вытворчасць, ці прыцягне інвестара. Таксама ён прапанаваў разгледзець выкарыстанне ўжо наяўных, але недазагружаных медыцынскіх магутнасцяў у Віцебскай вобласці, напрыклад, на прадпрыемстве «Натывіта» ў Бешанковічах.
Прэс-служба паведаміла, што ўсе ўдзельнікі сустрэчы прыйшлі да адзінага бачання наступных крокаў па развіцці «БелВітуніфарма» і прапанавалі план дзеянняў, які прадставілі Лукашэнку.
Цяпер прадпрыемства выпускае каля 150 відаў ветэрынарных прэпаратаў, у тым ліку 26 — біялагічных.
Былы дырэктар «БелВітуніфарма» Сяргей Бальшакоў у лютым 2025 года быў асуджаны на 4 гады пазбаўлення волі з трохгадовай адтэрміноўкай пакарання за перавышэнне службовых паўнамоцтваў і крадзеж з выкарыстаннем службовага становішча. Таксама яму прызначылі штраф у памеры 3000 базавых велічынь (126000 рублёў).
Будаўніцтва завода па вырабе беларускай вакцыны ад кавіду спынілі
Шэлег: Беларускія лекі нічым не адрозніваюцца ад старых прэпаратаў буйных фармацэўтычных кампаній
У Польшчы затрымалі дзясяткі тысяч падробленых лекаў, у тым ліку і з Беларусі
У мінскіх аптэках размялі расійскі аналаг «Аземпіка». Людзей не палохала нават цана
Цяпер чытаюць
Трамп запрасіў Лукашэнку ўвайсці ў Раду міру па Газе38
Каментары
2 - ператрах
3 - выпускаецца ўказ аб развіцці пэўнай галіны эканомікі, выбіраецца пілотны праект, на ім пачынаецца "будоўля стагоддзя" пад бізнэсплан с мільёнамі профіту
4 - магутнасці не працуюць, будоўля не скончана, але ўсе грошы "асвоены"
5 - ператрах
6 - ствараецца СП між дзяржаваю ды блізкім бізнэсам, альбо стратэгічна-партнёрскай краінаю, новы бізнэсплан з мільярдамі профіту
7 - СП бярэ аграменны крэдыт пад гарантыі дзяржавы
8 - будоўля сканчваецца, нешта пачынае працаваць, але ўсе грошы "асвоены" і абяцаных мільярдаў профіту нябачна
9 - ператрах
10 - пад час нейкай паездкі "па палях"...