Міністр замежных спраў Літвы спадзяецца, што ЕС на наступным тыдні ўхваліць новыя санкцыі для Мінска
Кястуціс Будрыс спадзяецца, што міністры замежных спраў Еўрасаюза на наступным тыдні пагодзяцца ўвесці новыя санкцыі супраць Мінска за кантрабандныя паветраныя шары, якія працягваюць прылятаць у Літву з Беларусі, паведамляе LRT.
«Лічу, што на наступным тыдні, пасля сустрэчы ў Германіі, калі я ў чацвер адпраўлюся на пасяджэнне Рады па замежных справах, у мяне будзе шырокая падтрымка за сталом перамоў, і мы зможам у поўнай меры задзейнічаць Еўрапейскую камісію і ўсе яе прававыя механізмы», — заявіў міністр агенцтву BNS у чацвер вечарам.
На гэтым тыдні Будрыс абмеркаваў сітуацыю ў Літве са сваімі калегамі з ЗША і Польшчы, а сустрэчы з міністрамі Латвіі і Эстоніі запланаваныя на пятніцу.
«Уся гэтая праца сапраўды дазваляе нам спадзявацца, што мы будзем хутчэй дзейнічаць у пытанні санкцый супраць Беларусі і не будзем чакаць 20‑га пакета санкцый», — адзначыў кіраўнік МЗС Літвы.
Рэагуючы на пагрозу грамадзянскай авіяцыі з метэаралагічных зондаў, урад Літвы закрыў мяжу з Беларуссю на месяц, з некаторымі выключэннямі. Гэта рашэнне дзейнічае да 30 лістапада, пасля чаго кабінет міністраў прыме рашэнне адносна падаўжэння тэрміну закрыцця.
Сёння стала вядома, што Польшча 17 лістапада адкрые два памежныя пераходы на мяжы з Беларуссю.
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»41
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары
Летува змагаецца не з рэжымам Лукашэнкі, а з Беларуссю.