Крышціяну Раналду ўпершыню атрымаў чырвоную картку ў гульнях за Партугалію
40‑гадовы форвард атрымаў картку ў матчы адборачнага турніру да чэмпіянату свету па футболе супраць Ірландыі, які прайшоў учора ў Дубліне.
Фота: Charles McQuillan / Getty Images
На 61‑й хвіліне Раналду ўдарыў локцем у спіну абаронцу Дару О’Шы. Суддзя Глен Ньюберг спачатку паказаў форварду жоўтую картку, аднак пасля кансультацыі з ВАР выдаліў партугальца.
У клубнай кар’еры на рахунку Раналду 12 чырвоных картак.
Ірландыя перамагла ва ўчорашнім матчы з лікам 2:0, а Партугалія не змагла заваяваць прамую пуцёўку на чэмпіянат свету.
У апошнім туры чырвона-зялёныя у нядзелю згуляюць дома з Арменіяй, але Крышціяну прапусціць гэты матч.
Заўтра, у суботу, зборная Беларусі правядзе свой матч адборачнага турніру супраць Даніі. Пачатак а 22:45 па мінскім часе.
Цяпер чытаюць
Хто забараняе ў Беларусі кнігі — вось гэтыя 22 чалавекі26
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары