Зяленскі ўсе гэтыя гады дзейнічаў не так, як бы дзейнічалі на яго месцы многія з нас, піша Мікола Бугай.
Уладзімір Пуцін назваў «хамствам» ліст Зяленскага яму.
Пуцін прывык, каб перад ім рассцілаліся. А ліст Зяленскага выглядае як ультыматум, як штосьці, на што Пуцін не можа пагадзіцца. Фактычна, Зяленскі падымае стаўкі максімальна: ставіць на тое, каб даваяваць да моманту, калі ў Расіі, ужо яўна не будуць радыя гэтай вайне, тады адбудзецца новы люты 1917 года.
Зяленскі ўсе гэтыя гады дзейнічаў не так, як бы дзейнічалі на яго месцы многія з нас.
У 2022 годзе ён застаўся кіраваць абаронай Кіева — у сітуацыі, калі кожны іншы кіраўнік дзяржавы эвакуяваўся б на захад краіны.
У 2025 годзе ён заявіў на адрас Трампа: страшна страціць саюзніка, але яшчэ страшней — страціць годнасць. У сітуацыі, калі кіраўнікі ўсіх іншых дзяржаў планеты, апроч Кітая, Трампа ўлагоджвалі.
І вось цяпер гэты ліст Пуціну.
Прапаганда ў Мінску інтэрпрэтавала ліст Зяленскага як акцёрства.
Я то і ў цяперашніх дзеяннях Зяленскага не бачу ні рамантызму, ні бравады, ні акцёрства. Бачу ўласцівы яму стаіцызм з усмешкай на вуснах, як і чатыры гады назад, і год назад.
Зяленскі зыходзіць з разумення, што з Пуціным і такімі, як ён, не дамовішся па-добраму. Зяленскі разумее так: толькі калі Пуцін заплаціць уладай ці жыццём за гэтую вайну, за гэтыя горы трупаў, толькі тады і Украіна, і Еўропа (дадам — і беларусы таксама) змогуць зажыць спакойна. Не так важна, на якой лініі спыніцца гэтая вайна, не так важна, захопяць урэшце гэтыя даўбанутыя Малую Такмачку і Вялікую Камышаваху. Важна, каб Пуцін заплаціў за вайну ўладай. Толькі гэта можа даць надзею на працяглы мір у Еўропе.
Стаўка большая, чым жыццё. Зяленскі заганяе Пуціна ў каляіну, у адным канцы якой прызнанне ўласнай памылкі і віны, у другім — новы люты 1917-га. Рызыка ў тым, што ў Пуціна ёсць яшчэ ядзерная зброя. Аднак Зяленскі спадзяецца, што спробы націснуць на кнопку не дапусцяць расійскія эліты, расійскі генералітэт, што і пакладзе канец гэтай бойні.
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
Серьезная аналитика. Ничего не скажешь. Для какой аудитории она расчитана?
[Зрэдагавана]