Выдавецтва «Энцыклапедыкс» у серыі «Галерэя чалавечай думкі» выдала працы Арыстотэля, прысвечаныя логіцы, — першыя дзве часткі «Арганона» («Катэгорыі» і «Герменеўтыка»).
Пераклад са старагрэцкай здзейсніў Лявон Баршчэўскі, паведамляе bellit.info.
«Выбітны грэцкі мысляр старажытнасці Арыстотэль ( 384‑322 гг.да н.э.) агульнапрызнана лічыцца «бацькам логікі». Адзін з яго пазнейшых паслядоўнікаў Андронік Радоса ( I ст. да н.э.) апублікаваў збор прац Арыстотеля, прысвечаных мысленню як інструменту, з чаго ўзнікла пазнейшая назва «Арганон», — гаворыцца ў анатацыі.
Выданне ўжо можна набыць у Менску ў «Акадэмічнай кнізе», неўзабаве з’явіцца на сайце Kniger.by.
Каментары