Беларуска набіла на целе партрэты Лукашэнкі і яго сыноў, Умкі, Пуціна ды Сі Цзіньпіна
Татуіроўкі, якія зрабіла сабе 50‑гадовая беларуска па ўсім целе, уражваюць.
Фотаздымкі сваіх татуіровак (а іх у жанчыны сапраўды шмат) Алена Хамякова публікавала ў розных сацыяльных сетках.
Амаль на грудзях 50‑гадовай беларускі згаданы Лукашэнка: «A. G. Lukashenko 30.08.1954 r.p. Commander-in-chief armed forces and national president of Republic Belarus» («А. Г. Лукашэнка, 30.08.1954 г.н. Галоўнакамандуючы ўзброенымі сіламі і нацыянальны прэзідэнт Рэспублікі Беларусь»). Побач — чырвона-зялёны сцяг.
Ніжэй Алена вырашыла зафіксаваць сваю дату нараджэння. А вось фраза яшчэ крыху ніжэй выглядае іранічна ў суседстве з дыктатарам: «Liberty Enlightening the World» («Свабода, якая асвятляе свет»).
Непадалёк схаваліся іншапланецянін, сімвал сонца, кніжка ды шмат самых розных фраз.
Спіну Алена таксама ператварыла ў арт-аб’ект з элементамі патрыятызму. Там ёсць яшчэ адзін чырвона-зялёны сцяг, карта Беларусі і фраза на рускай мове: «Нормамі Канстытуцыі Рэспублікі Беларусь гарантавана фізічнае і псіхалагічнае здароўе, што адпавядае палажэнням Усеагульнай дэкларацыі правоў чалавека».
А на руцэ жанчыны ёсць розныя партрэты. Побач з Умкам (які ў цэнтры кампазіцыі) Хамякова размясціла тату-партрэты маладога Лукашэнкі, яго афіцыйнай жонкі (насамрэч Алена памылілася і набіла зусім не Галіну Лукашэнка, а іншую жанчыну, здымак якой не першы год ходзіць па інтэрнэце), ягонай цешчы і маці. У гэтай амаль што сямейнай кампаніі прысутнічаюць Папа Рымскі, сама Алена і нейкае боства.
Ніжэй можна пабачыць Лукашэнку, Пуціна ды Сі Цзіньпіна. Пад кожным з іх намаляваны сэрцы, злучаныя чырвонымі лініямі. Ніжэй ёсць і тату-версія подпісу беларускага палітыка.
Непадалёк ад старэйшага Лукашэнкі размешчаныя партрэты яго сыноў Віктара і Дзмітрыя. Раздзяляе іх надпіс на лацінскай «Amoris Laetitia» і пераклад выраза на рускую: «Радасць любові».
Мяркуючы па сацыяльных сетках жанчыны, яна цікавіцца містыкай і рознымі апакаліптычнымі тэорыямі.
Калі Хамякова пісала пра вызваленне Ціханоўскага, то намякала, што была ў турме, — маўляў, сама праходзіла праз тое ж самае. Падкрэслівае, што заўсёды супраць гвалту, але Сяргею раіць займацца сям’ёй.
Лукашэнку ж Алена называе законна абраным прэзідэнтам. Яго фота з правальнага мітынгу ў 2020 годзе рэгулярна з'яўляецца на яе імправізаваным алтары. Часам побач з фотаздымкам самой Алены, фотаздымкам яе сына, Пуціна ці Папы.
«Лукашэнка проста не ведае». Ябацьку, які выкладаў у тыкток відэа пра булінг дачкі, пасадзілі на паўтара месяца
Памерла 39‑гадовая ілюстратарка, якая ў 2020 годзе стварала стыкеры ў падтрымку рэпрэсій і АМАПу
Расійская блогерка пафарбавала балкон у чырвона-зялёны. У каментарыі прыбеглі жартаваць беларусы
Цяпер чытаюць
Удава Мікіты Мелказёрава ўпершыню публічна расказала пра ноч яго смерці10
Удава Мікіты Мелказёрава ўпершыню публічна расказала пра ноч яго смерці
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары