Жыхары шматпавярховіка скінуліся і самастойна ўпрыгожылі пад'езд да Новага года — толькі паглядзіце
«Упрыгожылі шмат чаго: і ўваходныя дзверы, і холы перад ліфтамі, і тамбуры, і ліфты, і нават першы паверх».
Сваёй навагодняй казкай з Onlíner падзяліўся жыхар дома 15Г на вуліцы Герояў абароны Брэсцкай крэпасці ў Брэсце. «Дому 4 гады, і за гэты час ні разу не было навагодняга дэкору. Захацелася гэта выправіць», — кажа Рыгор.
Паводле слоў маладога чалавека, ініцыятыва першачаргова зыходзіла ад новага старшыні таварыства ўласнікаў (ТУ). Менавіта ён вырашыў упрыгожыць месцы агульнага карыстання, каб у жыльцоў з’явіўся навагодні настрой:
«Разам з жонкай яны вырашылі парадаваць нас і аформіць пад’езды да Новага года. Праз таварыства ўласнікаў закупілі навагоднія ўпрыгажэнні. У сувязі з абмежаванасцю фінансаў большую частку вырабілі сваімі рукамі — сані, каробкі, банты, драўляныя скрыні. А паколькі ў доме два пад’езды, усё прыйшлося вырабляць у двух экзэмплярах».
Добры прыклад заразлівы. Убачыўшы, як змяняецца пад’езд, уладальнікі кватэр таксама вырашылі ўнесці свой уклад:
«Жыльцы скаапераваліся і самастойна дакупілі матэрыялы для дэкору: пенапласт для ялінак, гірлянды, вянкі на дзверы, канцылярскія дробязі накшталт скотчу, клей. Яны таксама далі офісную паперу для падвесных упрыгажэнняў і пакавальную паперу для каробак. Упрыгожылі шмат чаго: і ўваходныя дзверы, і холы перад ліфтамі, і тамбуры, і ліфты, і нават першы паверх».
Рыгор дзеліцца: на ўсё пра ўсё сышло прыкладна 1000 рублёў. Не так ужо і шмат з улікам актуальных цэн. Затое вынік будзе радаваць яшчэ доўга, а пасля святаў дэкор можна схаваць і зноў выкарыстаць праз год.
«Часу і працы спатрэбілася вельмі шмат, але вынік радуе вока. Асабліва задаволеныя дзеці. Вось так пры невялікім бюджэце атрымалася стварыць навагоднюю атмасферу і згуртаваць жыльцоў. Як кажуць, было б жаданне».
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах9
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары