Заўтра — скарочаны працоўны дзень. А калі будуць наступныя вялікія выходныя?
У аўторак у Беларусі скарочаны працоўны дзень, паколькі ў сераду, 7 студзеня, праваслаўнае Раство.
Гэта азначае, што 6 студзеня можна пайсці з працы на гадзіну раней. Для тых, хто працуе на палову стаўкі, працоўны дзень скароцяць на 30 хвілін.
Калі з вытворчых прычын скараціць працоўны дзень немагчыма, перапрацоўка павінна быць кампенсавана — дадатковым часам адпачынку або аплатай як за звышурочную працу.
Святы скончыліся. Наступныя вялікія выходныя — у красавіку, калі будзе Радаўніца (20 красавіка).
Тады будуць чатыры выходныя: з 18 па 21 красавіка, але наступная субота, 25 красавіка, будзе рабочая.
8 Сакавіка прыходзіцца на нядзелю, таму тут без пераносаў, як і 7 Лістапада.
Па тры выходныя запар будзе з 1 па 3 мая, з 3 па 5 ліпеня, з 25 па 27 снежня і з 1 па 3 студзеня 2027 года.
А вось наступныя чатыры запар выходныя, імаверна, будуць роўна праз год з 7 па 10 студзеня 2027 года. У наступным годзе праваслаўнае Раство будзе ў чацвер, і цалкам магчыма, што працоўны дзень 8 студзеня (пятніца) перанясуць на іншы дзень.
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай32
Каментары