Колькі каўбасы выходзіць з тоны курыцы і куды дзяюць курыныя косткі?
Курыца лічыцца самым танным мясам на рынку ў нашым рэгіёне. Таму яе так любяць вытворцы: чым таннейшае сырое мяса, тым ніжэйшы кошт канчатковай прадукцыі, напрыклад, каўбасы. Дырэктарка малдаўскага мясакамбіната Mezellini Анжэла Геаргіца патлумачыла, колькі каўбасы можна атрымаць з тоны курыцы, колькі на гэтым зарабляе прадпрыемства і куды выкарыстоўваюць косткі бройлераў, піша Telegraf.news.
Нягледзячы на тое, што курыца — самае таннае мяса, каўбаса з яе далёка не танная. Звычайна з курыцы гатуюць шынку, балерон і розныя рулеты, а не класічную вараную каўбасу. Гэта звязана з тым, што ў параўнанні з варанай каўбасой, у якую часта ідзе механічна абваленае мяса, курыныя рулеты і шынку робяць з чыстай кураціны.
Так атрымліваецца, што ўмоўная свіная вараная каўбаса можа каштаваць даражэй за курыную, а кілаграм курынага балерона — у 2—3 разы даражэй за кілаграм тушкі кураняці.
Па словах Анжэлы Геаргіцы, з тоны курыцы чыстага мяса, якое ідзе на курыную каўбасу, застаецца крыху больш за палову — 580 кг. Звычайна на каўбасу не ідзе курыная грудка — прадпрыемству выгадней яе завэндзіць. Але калі ў вытворчасць пусціць усе 580 кг курынага мяса, на выхадзе атрымаецца прыкладна 560 кг курынага рулету.
⬇️ Сколько колбасы получится из 1 тонны курицы? Из 1 тонны бройлера получили: ✅ 580 кг. чистого мяса ➡️ 147 кг. мяса механической обвалки (ММО) Затраты. Курица - 40 лей/кг. Итого: 40 000 леев. Выручка. Из мяса сделали 560 кг. куриного рулета Цена - 131,4 лей/кг. ✅ Итого: 73 584 леев. ММО пошло в дешевые колбасы, посчитать сложно, но рыночная цена около 30 лей/кг. Для ориентира: 1 USD ≈ 17 лей 1 лей ≈ 4,65 руб. РФ Выручка почти в 2 раза больше затрат Что думаете по этому поводу?
Толькі на гэтым этапе мясакамбінат амаль удвая адбівае суму, выдаткаваную на закупку сыравіны: калі тона курыцы абыходзіцца прыкладна ў 2,4 тысячы даляраў, то 560 кг каўбасы можна прадаць за 4,3 тысячы даляраў.
Але на гэтым выгада прадпрыемства не заканчваецца. Акрамя чыстага мяса, застаюцца яшчэ косткі. Прыкладна пятую частку давядзецца выкінуць — гэта самыя буйныя косці, якія не ідуць на перапрацоўку. Каб яны зусім не прападалі, іх можна перадаваць у прытулкі для жывёл.
Маленькія косткі — прыкладна 220 кг спінкі і крылаў — адпраўляюць на перапрацоўку. З іх атрымліваюць каля 147 кг мяса механічнай абвалкі, з якога робяць танную вараную каўбасу. Прыбытак ад яе, у параўнанні з каўбасой з чыстага мяса, будзе менш значным.
Гэтая інфармацыя прывядзена без уліку выдаткаў на вытворчасць, заробак супрацоўнікаў і кошт іншых кампанентаў каўбасы.
Чаму цяперашняя тушонка захоўваецца толькі 2 гады, а ў савецкія часы ў разы даўжэй?
Дырэктарка мясакамбіната расказала, як трэба правільна наразаць каўбасу
Слуцкія фермеры паказалі гіганцкі апетытны кавалак сала — у тыктоку мільёны праглядаў
Жыхар Гомеля скраў у краме смачную каўбасу, але пакінуў пашпарт
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?21
Каментары
[Зрэдагавана]
Полуправда статьи хуже,чем ложь.