Калекцыю карцін Віктара Бабарыкі распрадаюць з вялікімі зніжкамі. Але без самага дарагога для яго твора
Калекцыю Віктара Бабарыкі распрадаюць амаль за бесцань. Карціны, якія яшчэ нядаўна ацэньвалі ў сотні тысяч рублёў, цяпер ідуць з малатка ў разы танней. Аб’явы апублікаваныя на сайце «БелЮрЗабеспячэння». Але галоўная страта не ў цане: лёс самай дарагой для экс-банкіра работы Марка Шагала невядомы, піша «Люстэрка».
З малатка чарговы раз спрабуюць прадаць карціны з асабістай калекцыі экс-банкіра і палітвязня Віктара Бабарыкі. Першапачаткова кошт 19 работ ацэньваўся агульнай сумай 344 тысячы рублёў. Пазней некаторыя творы мастацтва прадалі, іншыя ж — не. Цяпер іх выставілі па цэнах, якія ў разы саступаюць першай ацэнцы.
Напрыклад, самы дарагі лот з выстаўленых на аўкцыён — твор «Арлекін» французска-польскага мастака Яўгена Зака — першапачаткова выстаўлялі ад 99 312 рублёў. Зараз стартавая цана апусцілася да 39 724,8 рубля.
«Букет кветак» пэндзля гэтага самага аўтара першапачаткова спрабавалі прадаць па цане ад 66 208 рублёў. Цяпер яе знізілі да 26 483,2 рубля.
«Пейзаж» Міхаіла Кікоіна быў выстаўлены за 56 277 рублёў. Яго ж «Яблыні» — за 49 656. Цяпер першая карціна прадаецца па цане ад 22 510,8 рубля, а другая — ад 19 862,4 рубля.
У нядаўнім інтэрв’ю ў «ТОКу» Віктар Бабарыка расказаў, што з усіх карцін яго асабістай калекцыі самай каштоўнай для сябе ён лічыў каляровую літаграфію Марка Шагала «Лесвіца Якава»:
«Мне проста сам сюжэт вельмі падабаецца — і яна ў мяне вісела ў спальні. Яе мне, напэўна, больш за ўсё шкада… Што яе забралі і прадалі», — прызнаўся Бабарыка.
Варта адзначыць, што Шагал некалькі разоў звяртаўся да сюжэта «Лесвіца Якава», адлюстроўваючы яго рознымі метадамі і матэрыяламі. Верагодна, у калекцыі экс-банкіра магла быць літаграфія 1977 года.
Між тым сярод выстаўленых на аўкцыён на пляцоўцы «БелЮрЗабеспячэння» твораў мастацтва з калекцыі экс-банкіра не было «Лесвіцы Якава» ці любой іншай працы Шагала. Які лёс арыштаванай карціны, невядома.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Бабарыка хацеў балатавацца ў прэзідэнты ў 2015-м. Але не дазволіла жонка
Бабарыка: Да свайго вызвалення я ўвогуле не бачыў Івана Краўцова. Не ведаю, што ён рабіў
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары