«Лестэр», які сенсацыйна выйграў прэм'ер-лігу 10 гадоў таму, сёння таксама сенсацыйна вылецеў у трэці дывізіён
За год клуб паспеў вылецець спачатку з прэм’ер-лігі ў чэмпіёншып (другі дывізіён), а зараз за два туры да фінішу выбывае ў трэці дывізіён.
У апошніх трох матчах «Лестэру», які ішоў на перадапошнім месцы ў другім дывізіёне, трэба было не толькі тройчы перамагчы, але і спадзявацца на асечкі канкурэнтаў.
Аднак сёння «Лестэр» згуляў унічыю з «Халам» 2:2, і ўсё, гэта вылет.
У 2016 годзе «Лестэр» сенсацыйна выйграў англійскую прэм’ер-лігу. Перад пачаткам сезона каэфіцыент на перамогу «Лестэра» ў букмекераў складаў 5000 да 1.
Сенсацыйнасць была ў тым ліку ў тым, што з 1993 года чэмпіянат Англіі выйгравалі толькі «Манчэстэр Юнайтэд», «Манчэстэр Сіці», «Арсенал» і «Чэлсі» — клубы «вялікай чацвёркі». Толькі ў 1995 годзе выпадкова зацясаўся «Блэкберн», зараз такі ж бедалага ў чэмпіёншыпе, які займае чацвертае месца з канца і можа таксама вылецець у трэці дывізіён.
У сезоне 2022‑2023 «Лестэр» ужо пакідаў прэм’ер-лігу, праз год заняў першае месца ў чэмпіёншыпе, але ў мінулым маі зноў пакінуў прэм’ер-лігу. У гэтым сезоне ў чэмпіёншыпе ў «Лестэра» былі знятыя шэсць балаў.
Цяпер чытаюць
Вызвалены палітвязень Мікіта Емяльянаў — у свае 26 гадоў даведзены да вельмі цяжкага стану здароўя1
Вызвалены палітвязень Мікіта Емяльянаў — у свае 26 гадоў даведзены да вельмі цяжкага стану здароўя
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары