МУС Германіі паведаміла пра выкарыстанне Расіяй арганізаваных злачынных груповак для здзяйснення забойстваў
Крэмль кантралюе расійскую арганізаваную злачыннасць і ўсё часцей звяртаецца да яе паслуг для правядзення дыверсій і забойстваў, паведаміла нямецкае Федэральнае міністэрства ўнутраных спраў.
Такая ацэнка змешчана ў адказе ведамства на парламенцкі запыт Партыі зялёных Германіі, копію якога атрымала выданне Spiegel, піша «Агенцтва».
Паводле нямецкага ведамства, уплыву Крамля, верагодна, не змогуць пазбегнуць і групоўкі з іншых краін былога СССР, якія ў Германіі называюць расійска-еўразійскай арганізаванай злачыннасцю. Такія структуры, як мяркуецца, вымушаныя супрацоўнічаць з расійскімі ўладамі ў абмен на талерантнасць да іх дзейнасці з боку дзяржаўных органаў Расіі.
Паводле ацэнак урада Германіі, існуюць прыкметы сувязяў з Крамлём у груповак выхадцаў з былога СССР, якія актыўныя ў Германіі.
Прыцягненне крымінальных элементаў дазваляе Маскве адмаўляць сваю датычнасць да супрацьпраўных дзеянняў.
У адказе міністэрства адзначаецца, што нямецкія ўлады зафіксавалі вялікую колькасць падзей, якія маглі быць дыверсійнымі аперацыямі Масквы. Аднак у большасці выпадкаў даказаць прычыннасць Расіі не ўдавалася.
Таксама, паводле ацэнак урада Германіі, Расія ўсё часцей выкарыстоўвае для дыверсій людзей, завербаваных у інтэрнэце без прафесійнай падрыхтоўкі.
Гэта не першы выпадак апошнім часам, калі нямецкія праваахоўныя органы гавораць пра супрацоўніцтва расійскіх спецслужбаў з арганізаванай злачыннасцю. У красавіку вядучы следчы Дзяржаўнага кіравання крымінальнай паліцыі Германіі на судзе ў Франкфурце-на-Майне патлумачыў умоўна-датэрміновае вызваленне аднаго з вядомых расійскіх «злодзеяў у законе» Шакра Маладога (Захарыя Калашова) яго дамовай з ФСБ, МУС і «Вагнерам».
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца4
Каментары
Злачыннасьць , у́ тым тая з 80 х 90 х , якую гэбуха кантралявала у́сю .
У́сё гэта крамлёу́ская спецыяльнасьць .
Аб гэтым кажуць перабежчыкі з к г б .