Ва ўкраінскі палон трапіў яшчэ адзін грамадзянін Беларусі. Ён звярнуўся да Лукашэнкі
Грамадзянін Беларусі Іван Аненкаў з Ваўкавыска, які ваяваў на баку Расіі супраць Украіны і трапіў ва ўкраінскі палон, звярнуўся да Аляксандра Лукашэнкі па дапамогу, каб вярнуцца на радзіму, піша «Радыё Свабода».
Іван Аненкаў. Скрыншот з відэа
Як паведамілі ў тэлеграм-канале «Оперативний ЗСУ», Іван Уладзіміравіч Аненкаў нарадзіўся 9 верасня 1977 года і ваяваў пад пазыўным «Стары» ў 164‑й асобнай мотастралковай брыгадзе Сухапутных войскаў Расіі (месца пастаяннай дыслакацыі — Алейск Алтайскага краю).
Згодна з інфармацыяй украінскага боку, палонны беларус паходзіць з Ваўкавыска. Як ён расказаў украінскім вайскоўцам, на кантракт ён трапіў з расійскай турмы, у якой адбываў пакаранне ў выглядзе пазбаўлення волі на 5 гадоў за наўмыснае нанясенне цяжкай шкоды здароўю. У Расію Аненкаў ездзіў на працу. Ён адседзеў 2 гады і вырашыў падпісаць кантракт з расійскай арміяй.
На першым жа баявым заданні Аненкаў атрымаў раненне і вярнуўся ў сваю вайсковую частку, удзельнічаў у прапагандысцкіх тэлевізійных рэпартажах. Потым яго вярнулі на фронт, дзе ён атрымаў другое раненне, пасля якога зноў вярнуўся на фронт. Украінскія рэсурсы сцвярджаюць, што ён канфліктаваў з афіцэрамі праз тое, што яны не запаўнялі журнал баявых дзеянняў і ён не мог атрымаць грошы за раненні.
Пасля скаргаў беларуса зноў адправілі на фронт. Калі Аненкаў разам з іншымі расійскімі вайскоўцамі спрабаваў замацавацца на пазіцыях, іх атакавалі ўкраінскія дроны. Пасля гэтага ён трапіў у палон.
Узялі Аненкава ў палон вайскоўцы 18‑й брыгады Нацыянальнай гвардыі Украіны. Гэта адбылося на ліманскім кірунку, у раёне паселішча Ямпаль Краматорскага раёна Данецкай вобласці. Цяпер жа ён звярнуўся да Аляксандра Лукашэнкі, каб той дапамог яму вярнуцца на радзіму.
Нядаўна абмененага Расіяй жыхара Лёзна зноў адпраўляюць на фронт
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна
Украінскі баец два тыдні праседзеў у расійскім бліндажы з ворагам. І ўгаварыў яго самога здацца ў палон — украінскі
Каментары
[Зрэдагавана]