У Брэсце часова абмяжуюць рух транспарту па мосце праз Мухавец на вуліцы 28 Ліпеня. Прычына — дарожныя работы: на гэтым участку будуць укладваць новае асфальтабетоннае пакрыццё.
Рамонт ужо пачаўся 25 мая і працягнецца да 29 мая. Завяршыць яго плануюць да 18:00.
На час работ крайнія паласы ў абодвух напрамках будуць закрытыя, таму рух можа быць ускладнены, асабліва ў гадзіны пік. Улады папярэджваюць пра магчымыя заторы і раяць загадзя планаваць маршруты аб’езду, карыстаючыся іншымі мастамі і асноўнымі вуліцамі горада.
У гэты самы час ў Брэсце працягваецца рэканструкцыя яшчэ аднаго моста праз Мухавец — паміж бульварам Шаўчэнкі і Варшаўскай шашой. Там цяпер будуюць новую частку пераправы, пасля чаго старую канструкцыю разбяруць і ўзвядуць другую частку моста.
Гарадскія ўлады папрасілі прабачэння ў кіроўцаў за часовыя нязручнасці.
Цяпер чытаюць
«Пакінулі на некалькі гадзін аднаго на вакзале». Мужчына памёр пасля падзення з вышыні на працы2
«Пакінулі на некалькі гадзін аднаго на вакзале». Мужчына памёр пасля падзення з вышыні на працы
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары