Чакаюцца змены ў раскладзе на чыгуначнай лініі Мінск — Баранавічы — Брэст
Беларуская чыгунка часова зменіць расклад руху цягнікоў і адменіць некаторыя рэйсы на напрамку Мінск — Баранавічы — Брэст. Змены будуць дзейнічаць з 8 па 11 чэрвеня. Яны звязаныя з планавым рамонтам чыгуначнага моста на ўчастку Фаніпаль — Койданава.
Здымак ілюстрацыйны. Фота з сацсетак
У гэты перыяд:
- цягнікі міжнародных, міжрэгіянальных і рэгіянальных ліній будуць хадзіць па змененым раскладзе;
- частка рэйсаў будзе цалкам адменена.
Напрыклад, 8 і 10 чэрвеня не будзе цягніка №733 Мінск — Брэст. Замест яго прызначаць іншы — №607, які будзе адпраўляцца з Мінска ў другой палове дня і прыбываць у Брэст увечары.
Таксама на ўчастку Мінск — Баранавічы зменіцца расклад рэгіянальных цягнікоў эканомкласа.
Пасажыраў просяць загадзя правяраць расклад і ўлічваць гэтыя змены пры планаванні паездак. Больш падрабязную інфармацыю можна атрымаць на сайце БЧ, у мабільным дадатку або па тэлефоне даведкі.
Каментары