Зяленскі прапанаваў Лондану накіраваць грошы Абрамовіча на ўзмацненне ўкраінскай СПА
Прэзідэнт Украіны абмяркоўваў з прэм’ер-міністрам Вялікабрытаніі Кірам Стармерам лёс 2,4 млрд фунтаў, атрыманых ад продажу клуба.
Прэзідэнт Украіны Уладзімір Зяленскі прапануе выкарыстаць сродкі расійскага бізнэсмена Рамана Абрамовіча ад продажу лонданскага футбольнага клуба «Чэлсі» для ўзмацнення ўкраінскай супрацьпаветранай абароны, піша Бі-бі-сі са спасылкай на The Guardian.
У інтэрв’ю выданню Зяленскі паведаміў, што абмяркоўваў з прэм’ер-міністрам Вялікабрытаніі Кірам Стармерам лёс 2,4 млрд фунтаў, атрыманых ад продажу клуба.
Паводле слоў Зяленскага, частку гэтых сродкаў можна было б накіраваць на закупку ў ЗША дадатковых сістэм супрацьракетнай абароны для Украіны.
Пасля ўварвання Расіі ва Украіну брытанскі ўрад дазволіў Абрамовічу, у дачыненні да якога былі ўведзены санкцыі за сувязі з Пуціным, прадаць «Чэлсі» пры ўмове, што атрыманыя сродкі будуць перададзены дабрачынным арганізацыям, якія дапамагаюць пацярпелым ад вайны ва Украіне.
Пасля продажу клуба грошы былі пераведзены на спецыяльны банкаўскі рахунак і замарожаны да моманту іх перадачы пацярпелым ва Украіне. Аднак лёс гэтых сродкаў застаецца прадметам юрыдычнай спрэчкі.
Абрамовіч адмаўляецца падпісваць пагадненне аб іх перадачы і ў якасці сустрэчнага кроку патрабуе спыніць расследаванні ў дачыненні да яго і зняць блакаванне з іншых яго актываў. Брытанскія ўлады пагражаюць расійскаму бізнэсмену судовым разглядам.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Упэўнены, што Абрамовіч за гэта будзе яму ўдзячны.