І сарваў апладысменты.
Падчас перадвыбарчай кампаніі мінулага года Джо Байдэну давялося выслухаць нямала насмешак з лагера Дональда Трампа. Зараз былы прэзідэнт нанёс удар у адказ. Ён публічна раскрытыкаваў Трампа і яго прэзідэнцтва, а таксама назваў яго «лузерам», піша Bild.
Трампу важныя толькі яго ўласнае эга і банкаўскі рахунак, заявіў Байдэн на ўрачыстым вечары Дэмакратычнай партыі ў штаце Мэрыленд. Ён пералічыў шэраг спрэчных праектаў прэзідэнта ЗША.
Трамп загадаў знесці ўсходняе крыло Белага дома, каб пабудаваць там бальную залу, хацеў назваць Цэнтр Кенэдзі сваім імем і будуе гіганцкую арку ў Вашынгтоне — «у гонар самога сябе». Больш за тое, прэзідэнт наняў «уласнага чысцільшчыка басейна», каб вадаём каля мемарыяла Лінкальна пасля рамонту не зарастаў водарасцямі.
«Ого, ну і лузер!» (Whoa, what a loser), — літаральна сказаў Байдэн пад смех і апладысменты сваіх аднапартыйцаў.
Аднак «нарцысізм і некампетэнтнасць гэтай адміністрацыі» — гэта яшчэ не ўсё, працягнуў Байдэн. Паводле яго слоў, ёсць яшчэ і «карупцыя — адкрытая, нахабная карупцыя ў маштабах, якіх яшчэ не ведала ніводная адміністрацыя ў амерыканскай гісторыі».
Паводле Байдэна, Трамп з пачатку свайго другога прэзідэнцкага тэрміну ўжо зарабіў мільярды.
«Ён не ведае сораму. І, шчыра кажучы, гэта ганьба для нашай краіны. Зарабляць грошы, займаючы пасаду прэзідэнта, — адна з прычын, чаму ён хоча быць прэзідэнтам», — сказаў былы кіраўнік Белага дома.
Байдэн таксама абвінаваціў свайго пераемніка ў «мэтанакіраваным разбурэнні НАТА» і ў тым, што той аддае перавагу крамлёўскаму кіраўніку Уладзіміру Пуціну перад амерыканскімі саюзнікамі.
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары