Выйшаў на свабоду палітвязень Арцём Лябедзька — сын палітыка Анатоля Лябедзькі
Хлопца арыштавалі ў сакавіку 2023 года і прысудзілі тры з паловай гады зняволення за данаты. Ён цалкам адбыў тэрмін. Апошнім часам Арцёма ўтрымлівалі ў турэмных умовах.
Арцёма Лябедзьку затрымалі ў канцы сакавіка 2023 года і першапачаткова двойчы давалі па 15 сутак.
Потым на яго завялі справу паводле абвінавачання ў фінансаванні экстрэмісцкай дзейнасці (арт. 361‑2 Крымінальнага кодэкса).
Справу Арцёма пачалі разглядаць 21 жніўня 2023 года ў Мінскім гарадскім судзе за данаты ў тры фонды салідарнасці ў 2020 годзе. Меркавана, гаворка ішла, у тым ліку пра фонды BY_help і Беларускі фонд спартыўнай салідарнасці.
Арцём віну не прызнаў. 24 жніўня 2023 года яго асудзілі на тры гады і шэсць месяцаў калоніі ва ўмовах узмоцненага рэжыму.
Пакаранне адбываў у «Воўчых норах» (калонія №22), потым адбыўся суд па замене рэжыму ўтрымання на турэмны. З лютага 2026 года ён адбываў тэрмін у турме №4 у Магілёве.
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе11
Каментары