Мы яе памятаем па культавым серыяле «Проста Марыя».
Некалькі тыдняў таму ў сацыяльных сетках з'явіліся фатаграфіі актрысы Вікторыі Руфа, на якіх яна пазіруе разам з дзвюма расіянкамі, піша Delfi.
На пачатку чэрвеня ў Instagram расійскай візажысткі, якая вядзе старонку пад нікам syuzanna_mua, з'явіўся допіс з пазнакай геалакацыі Сочы, Расія, а таксама дзве фатаграфіі, на якіх яна пазіруе разам з Вікторыяй Руфа і расійскай стылісткай па валасах nan_aleqsanyan.
«Неверагодная Вікторыя Руфа. Самы цёплы і душэўны чалавек», — гаворыцца па-руску ў подпісе да здымкаў.
Пазней з'явіўся яшчэ адзін допіс, з якога стала відаць, што актрыса ўдзельнічала ў мерапрыемстве ў Расіі, дзе таксама прайшлася па чырвонай дарожцы.
Пад гэтымі публікацыямі адразу з'явілася мноства каментароў ад расійскіх карыстальнікаў. Многія адзначалі, што ў Расіі актрысу любяць і заўсёды рады яе бачыць:
«Мы нават не ведалі, што Вікторыя прыедзе ў Сочы. Я б прыляцела да цябе. Прыгажуня-каралева. Віншуем з такой падзеяй, любім цябе. З Расіі»;
«Мы любім цябе ў Расіі».
Мексіканскі серыял «Проста Марыя» (прадзюсар — сын мігрантаў з Беларусі Валянцін Пімштэйн) выйшаў на экраны ў 1989 годзе, у 1993 годзе ён быў паказаны ў Расіі і Беларусі на канале ОРТ. У ім было 150 серый. Вікторыя Руфа сыграла ў ім разам з Хайме Гарсія, Мануэлем Савалем.
Імя яе сына Хасэ Ігнасіа нароўні з Луісам Альбертам з «Багатых, што таксама плакалі» стала мемам і прадметам кпінаў.
-
Былы КВЗшнік з БДУ пісаў сцэнарый для галоўнага кінакрынджу года. Нават Мінкульт дагэтуль не можа ўзгадніць гэтага пачварнага «Калабка»
-
Выйшаў трэці сезон любімага беларусамі серыяла пра шляхту — вось чым здзіўляе «1670». Там зняліся і беларусы
-
Беларускі мужчынскі хор «Касары» зняўся ў трэцім сезоне папулярнага польскага серыяла «1670»
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
Не. Не легендарная і не памятаем.