Бабарыка: Я не патрэбен Ціханоўскай і дэмакратычнаму руху ні ў якой якасці
Былы палітвязень Віктар Бабарыка заявіў, што не бачыць сябе ў дзейнай сістэме беларускіх дэмакратычных сіл. Пра гэта ён сказаў у інтэрв'ю «Радыё Свабода» падчас канферэнцыі «Новая Беларусь» у Варшаве.
Адказваючы на пытанне, чаму ён не спяшаецца далучацца да дзейнасці дэмакратычных сіл як грамадскі і палітычны лідар, Бабарыка сказаў, што цягам паўгода аналізаваў падзеі апошніх шасці гадоў і спрабаваў зразумець, «наколькі я магу быць патрэбны палітычным лідарам, рухам, якія існуюць».
«Маё вызначэнне палітычнага актывіста або лідара, або тым больш проста палітыка, вельмі-вельмі складанае, бо я неяк даваў сваё паняцце, хто такі палітык. І калі ў 2020‑м годзе я ім дакладна быў, то цяпер вельмі складана сказаць, ці з'яўляюся я палітыкам.
Я паўгода ці крыху больш патраціў на тое, каб прааналізаваць, а што, уласна, за ўсе гэтыя 6 гадоў адбылося, і наколькі, як мне здаецца, я магу быць патрэбны палітычным лідарам, рухам, якія існуюць. І, як і ў 20‑м годзе, я зразумеў, што нікому не патрэбны», — сказаў Бабарыка.
Ён дадаў, што і ў 2020‑м годзе «не быў патрэбны нікому з дзейных партый і лідараў, якія існавалі на той момант».
«Тая самая гісторыя назіраецца і цяпер. То-бок я не патрэбны дзейным гульцам ні ў якой якасці», — адзначыў ён.
На пытанне, ці прапаноўваў ён супрацоўніцтва прадстаўнікам дэмакратычных сіл, Бабарыка адказаў адмоўна.
«Я ніколі нікому нічога не прапаную. Калі я камусьці патрэбны, звычайна прыходзяць і кажуць: «Слухайце, давайце разам папрацуем», — сказаў ён.
Што вядома пра віцебчука, якога вінавацяць у спробе падрыву самалёта ў Германіі12
Каментары
Вот скажите, какие консультации может оказывать Бабарико, находясь на свободе день без году для беларусов в иммиграции, которые заграницей уже по несколько лет, а кто-то и 5 и 7 и более. Что он им может рассказать про жизнь в Польше или Германии - быть, легализации, налоги / финансы и т.п.? Они ему скорее расскажут больше про эти темы, опираясь на личный опыт и пройденный путь. Ну, смешно, правда с его этим проектом и идеями. В лучшем случае Бабарико будет консультировать провластных беларусов, в т.ч. бизнесменов в Беларуси и россиян, как гонять санкционку через различные оффшорки, схематозы там всякие банковские / налоговые / финансовые и т.п. Тут - да, возможно он себя сможет показать какая великий специалист в этих вопросах. Но, его эти специфические знания, точно не для широкого круга беларусов в иммиграции.
Царэвічу нягожа самому шукаць сваё месца ў грамадстве. Царэвіч чакае, што да яго прыйдуць адмысловыя "хадакі", якія нахіляцца да долу і прыніжаным стане папросяць яго Вялікасць.