Беларуская чыгунка часова памяняе расклад руху цягнікоў на адным з участкаў
Змены закрануць адцінак Калінкавічы — Лунінец 19 жніўня 2026 года і звязаныя з планавым рамонтам чыгуначнага моста галоўнага пуці станцыі Мікашэвічы. На час работ рух асобных цягнікоў будзе арганізаваны паводле змененага раскладу і маршрутаў.
Цягнік міжрэгіянальных ліній эканомкласа №605/606 Полацк — Брэст — Полацк часова будзе курсаваць толькі на ўчастку Полацк — Жыткавічы — Полацк. З Полацка ён адправіцца 18 жніўня, а з Жыткавічаў — 19 жніўня.
Цягнік №609 Гомель — Гродна, які павінен адправіцца з Гомеля 19 жніўня, пачне рух а 18:45 замест 16:36.
Бесперасадачныя вагоны Брэст — Гродна 19 жніўня будуць курсаваць у складзе цягніка №604 Брэст — Гомель. Адпраўленне з Брэста запланаванае на 19:41.
Акрамя таго, на адцінку Калінкавічы — Жыткавічы — Лунінец асобныя цягнікі рэгіянальных ліній эканомкласа будуць рухацца па змененых маршрутах.
БЧ рэкамендуе пасажырам перад паездкай удакладняць актуальны расклад. Атрымаць інфармацыю можна па тэлефоне 105, у мабільным дадатку «БЧ. Мой цягнік» або на сайце Беларускай чыгункі.
Каментары