У Беларусі пачалася актыўная падрыхтоўка заканадаўчай базы для легалізацыі беспілотнага транспарту. У наступныя 2‑3 гады ў ПДР унясуць адпаведныя нормы, а рух аўтаномных машын пачнуць тэставаць на трамваях, піша Mlyn.by.
Пытанне руху беспілотнага транспарту ўжо ўключана ў план па змяненні заканадаўства. Як распавёў начальнік галоўнага ўпраўлення ДАІ Віктар Ротчанкаў, праца над нарматыўнай базай зойме каля 2‑3 гадоў.
— Мы ўжо пачынаем працаваць над змяненнем заканадаўства, каб даць доступ… магчыма, пачаць з трамваяў, потым з аўтамабіляў, каб кіравалі менавіта беспілотнікі, — растлумачыў Ротчанкаў.
Паводле яго слоў, да 2028—2029 года плануецца выйсці на завяршальную стадыю, а самі тэрміны і паняцці, звязаныя з беспілотнай тэхнікай, могуць з'явіцца ў ПДР не пазней за 2030 год.
Беспілотныя аўтамабілі ўжо ўключаны ў прыярытэтныя напрамкі праграмы сацыяльна-эканамічнага развіцця — разам са штучным інтэлектам і біятэхналогіямі.
Адначасова з прававымі нормамі вядзецца тэхнічная стандартызацыя. Першы намеснік старшыні Дзяржстандарту Аляксандр Бурак адзначыў, што распрацоўка профільных стандартаў ужо пачалася: «У сярэднім гэта 10—20 стандартаў, якія будуць уключаны ў праграмы тэхрэгламентаў. Мы плануем, што з 2027—2028 года такія работы пачнуць уключацца».
У якасці паспяховага прыкладу ён прывёў нядаўна прыняты стандарт на сродкі персанальнай мабільнасці (СПМ), які зацвердзілі на пляцоўцы Міждзяржаўнага савета па стандартызацыі ў канцы ліпеня.
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары