У Чэхіі людзям уначы не даваў спаць вожык, якога зацікавіла бляшанка з-пад піва
Жыхары адной з вуліц чэшскага горада Распенава ўначы з панядзелка на аўторак сталі сведкамі незвычайнага здарэння. Пад вокнамі іх дамоў вожык знайшоў пустую бляшанку ад піва і амаль гадзіну гучна гуляў з ёй.
Спачатку людзі не маглі зразумець, адкуль сярод ночы даносіцца моцны грукат. Некаторыя нават падумалі, што шумяць п’яныя мінакі. Аднак адна з жыхарак прыгледзелася і ўбачыла, што шум стварае маленькі вожык.
Вожык гуляў з бляшанкай, нібы з мячом: штурхаў яе перад сабой, а часам падкідваў носам у паветра. На дарозе гэта стварала даволі гучны шум, які асабліва добра разносіўся ў начной цішыні.
Жыхары некалькіх кватэр прачыналіся ад грукату. Некаторыя нават зачынялі вокны, каб не чуць шум. Жанчына ж, якая ўбачыла сапраўднага вінаватага ў начным «канцэрце», не змагла стрымаць смеху.
Зрэшты, доўга злавацца на вожыка не давялося. Прыкладна каля трэцяй гадзіны ночы бляшанка закацілася пад аўтамабіль, пасля чаго незвычайны шум нарэшце спыніўся.
Беларусы сталі часцей звяртацца да медыкаў пасля кантакту з дзікімі жывёламі
«Адчуванне, што трымаеш у руках жэле». У Мінску цяпер можна схадзіць у госці да звяркоў, якія вельмі любяць людзей
Мінскія будаўнікі змайстравалі хатку для вожыкаў, якія пасяліліся побач з месцам работ
У Германіі хочуць забараніць начное кашэнне газонаў, бо гэта шкодзіць вожыкам
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
Каментары