У Беларусі 9 верасня было зафіксавана рэкордна цёплае надвор’е. Пра гэта паведамілі ў Рэспубліканскім цэнтры па гідраметэаралогіі, кантролі радыяактыўнага забруджвання і маніторынгу навакольнага асяроддзя Мінпрыроды.
Максімальная тэмпература ў 31,5 градуса цёпла зафіксаваная на станцыі Брэст. У цэлым у гэты дзень на 21 метэастанцыі былі пабітыя сутачныя рэкорды максімальнай тэмпературы паветра.
Рэкорды абноўленыя па ўсёй тэрыторыі Гродзенскай і Брэсцкай абласцей, на адной метэастанцыі ў Віцебскай, Магілёўскай і Гомельскай абласцях і на 5 метэастанцыях у Мінскай вобласці. А на метэастанцыі Мінск быў пабіты рэкорд 1932 года (у той год слупок тэрмометра ў сталіцы падняўся да 27,4 градуса). У Мінску 9 верасня 2026 года максімальная тэмпература паветра склала 28 градусаў.
Цяпер чытаюць
Лукашэнка: Што творыцца ў краіне, у нас усе гэтую гусь круцяць8
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары