Памёр былы старшыня Гомельскага аблвыканкама і старшыня Камітэта дзяржаўнага кантролю Аляксандр Якабсон, паведамляе «Гомельская праўда». Былому высокаму чыноўніку было 75 гадоў.
Аляксандр Якабсон нарадзіўся ў Гомелі 18 красавіка 1951 года. У 1973 годзе скончыў Беларускі інстытут інжынераў чыгуначнага транспарту.
Працаваць пачаў у будаўнічым трэсце ў Запаляр'і Мурманскай вобласці. Пасля службы ў Савецкай арміі на працягу дзесяці гадоў працаваў на розных пасадах у «Гомельпрамбудзе».
З 1985 года Якабсон працаваў у партыйных і дзяржаўных органах. Быў інструктарам аддзела будаўніцтва Гомельскага абкама КПБ, першым сакратаром Светлагорскага райкама КПБ. У 1986—1996 гадах узначальваў выканаўчы камітэт Светлагорскага гарадскога Савета народных дэпутатаў і Светлагорскі гарвыканкам.
Да 2001 года ён працаваў першым намеснікам старшыні Гомельскага аблвыканкама, а таксама старшынёй Гомельскага гарвыканкама. У 2001—2010 гадах Аляксандр Якабсон быў старшынёй Гомельскага аблвыканкама.
У 2010—2014 гадах ён узначальваў Камітэт дзяржаўнага кантролю Беларусі. У 2014—2017 гадах працаваў памочнікам Лукашэнкі — галоўным інспектарам у Мінску.
Якабсон таксама прызначаўся дэпутатам Палаты прадстаўнікоў і быў членам Савета Рэспублікі.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары