Вынеслі прысуд загадчыцы магілёўскіх атракцыёнаў, дзе загінуў 18‑гадовы стажор
У Магілёве загадчыцу парку атракцыёнаў асудзілі на 2,5 года выпраўленчай калоніі-пасялення праз гібель 18‑гадовага стажора.
Трагедыя адбылася 1 мая. Пасля завяршэння цыкла атракцыёна «Сальта», калі наведнікі ўжо пайшлі, балансір з каруселлю пачаў рухацца, бо яго не зафіксавалі. Рухомая частка канструкцыі ўдарыла маладога чалавека па галаве. Ад атрыманай чэрапна-мазгавой траўмы ён памёр на месцы.
Следчы камітэт паведаміў, што да адказнасці прыцягнулі 25‑гадовую загадчыцу парку. Яна адказвала за выкананне правілаў тэхнікі бяспекі і аховы працы, а таксама за бяспечную эксплуатацыю атракцыёнаў.
Суд высветліў, што жанчына дапусціла 18‑гадовага стажора да працы на атракцыёне, хоць з ім не былі аформленыя працоўныя адносіны. Малады чалавек не праходзіў абавязковага медыцынскага агляду, навучання, стажыроўкі, першаснага інструктажу і праверкі ведаў у галіне прамысловай бяспекі і аховы працы.
Суд прызнаў загадчыцу вінаватай у парушэнні правіл аховы працы службовай асобай, якое па неасцярожнасці прывяло да смерці чалавека. Пры вынясенні прысуду ўлічылі яе шчырае раскаянне.
Жанчыну асудзілі на два з паловай гады выпраўленчай калоніі-пасялення. Акрамя таго, на працягу пяці гадоў ёй забаронена займаць пасады, звязаныя з выкананнем арганізацыйна-распарадчых абавязкаў.
Парк атракцыёнаў выступаў у справе грамадзянскім адказчыкам. Суд пастанавіў спагнаць з арганізацыі на карысць маці загінулага, прызнанай пацярпелай, 150 тысяч рублёў у якасці кампенсацыі маральнай шкоды.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары