Кошт праекта ацэньваецца ў 50 мільёнаў еўра.
У вытворчасць швейцарскіх электрычак у Мінскай вобласці на першым этапе будзе ўкладзена каля 50 мільёнаў еўра. Пра гэта заявіў старшыня Мінаблвыканкама Барыс Батура.
Завод размесціцца ў свабоднай эканамічнай зоне «Мінск» у раёне Фаніпаля, ужо падпісаны інвестыцыйная дамова з кампаніяй Stadler.
У 2012–2013 гадах чакаецца выпуск 18 электрацягнікоў і 30 трамваяў, у2014-м — да 30 электрацягнікоў, 30 трамваяў і 500 тралейбусаў.
«Мяркуецца вынесці з тэрыторыі Мінска вытворчасць трамваяў і тралейбусаў на гэтую пляцоўку. Інвестыцыйныя ўкладанні на першапачатковым этапе складуць каля 50 мільёнаў еўра. Праект будзе развівацца і далей», — сказаў Барыс Батура.
Каментары