Аўстрыец Фелікс Баўмгартнэр скочыў з вышыні 39 км — відэа
Спартовец здзейсніў смяротна небяспечны трук.
Было два страшныя моманты: калі пачаліся збоі ў працы абагрэву твару (на гэткай вышыні тэмпература і ціск такія, што вадкасці цела закіпелі б, калі б не касмічны камбінезон). І другі, прадказальны, калі скакуна закруціла ў стратасферы. Аднак там настолькі разрэджана, што Феліксу Баўмгартнеру ўдалося выраўняцца ў свабодным палёце.
«Бясстрашны Фелікс» скокнуў з вышыні 39 км (больш чым у тры разы вышэй, чым набіраюць пасажырскія самалёты), фактычна з вакууму. На такую вышыню ён узляцеў у капсуле, падвешанай да напампаванага геліем шара. Падчас падзення ён дасягнуў хуткасці гуку — 1137 км за гадзіну. У шчыльных слаях атмасферы Фелікс адкрыў парашут і паспяхова прызямліўся.
У часе скоку аўстрыец пабіў тры рэкорды: вышыні скоку, вышыні палёту на паветраным шары і хуткасці свабоднага падзення. Гэта чарговы трыумф чалавека: ягонай сілы волі, навуковага разліку і прагнасці ў пазнанні.
Цяпер чытаюць
«А зможаце вылецець заўтра?» Джон Коўл расказаў, як піў з Лукашэнкам гарэлку, каб дамовіцца пра вызваленне палітвязняў7
Каментары