Pasolstva Rasii: Były dyrektar sanatoryja «Biełaruś» Sarakašyš sapraŭdy zatrymany ŭ Minsku
U suviazi z hetym pasolstva Rasii nakiravała notu ŭ MZS Biełarusi. Dypłamaty ličać, što padstavaŭ dla zatrymańnia dyrektara sočynskaha sanatoryja «Biełaruś» niama.
Biełaruskija ŭłady painfarmavali pasolstva, što hramadzianin Rasii Hieorhij Sarakašyš zatrymany i siadzić u śledčym izalatary. Pra heta daradca ambasady zajaviŭ ahienctvu «Interfaks» u čaćvier. Rasijskija dypłamaty raskazali, što Sarakašyša padazrajuć u haspadarčych złačynstvach, a tamu, «u pryncypie, biełaruski bok dastatkovych padstaŭ dla ŭtrymańnia hramadzianina Rasii pad vartaj nie maje».
Raniej Śledčy kamitet zajaŭlaŭ, što jamu ničoha nie viadoma pra zatrymańnie Sarakašyša.
U ŚMI vykazvałasia mierkavańnie, što troch asobaŭ z kiraŭnictva sanatoryja vymanili ŭ Minsk nibyta dla abmierkavańnia płanaŭ na nastupny hod, a tut pasadzili.
Pra byłoha dyrektara Hieorhija Sarakašyša viadoma, što jon hrek i byŭ źviazany ź miascovym biznesam.Vydatnik achovy zdaroŭja Rasijskaj Fiederacyi. U sanatoryi «Biełaruś» u Sočy pracavaŭ hałoŭnym doktaram, zatym namieśnikam dyrektara. A paśla zaniaŭ i kirujučaje kresła.
Cikava, što na terytoryi sanatoryja, zhodna z Rejestram dziejučych licenzij Krasnadarskaha kraja, pracuje «zakusačnaja», jakaja naležyć kampanii «BiełRosstroj». Uznačalvaje ž jaje Sarakašyš Chrystafor Kanstancinavič. Adnafamilec ci brat
Chrystafor Kanstancinavič uznačalvaje i jašče šerah firm, jakija zajmajucca transpartnaj dziejnaściu. Razam z tym jon i staršynia Sočynskaha haradskoha hramadskaha abjadnańnia rasijskich hrekaŭ «Enosi».
A na samoha Hieorhija Kanstancinaviča ŭ krasaviku 2011 va Ufie była zarehistravana kampanija «Pałada» (roźničny handal).Heta toje, što znajšłosia ŭ adkrytym dostupie.
My pasprabavali źviazacca z Chrystaforam Sarakašyšam, kab spytać pra brata ci adnafamilca (znajści niejkija kantakty Hieorhija nie atrymałasia). Na telefanavańni adkazali tolki ŭ «BiełRosstroje», ale skazali, što Sarakašyša tam nie byvaje. Ale paabiacali jaho znajści i pieradać naš numar telefona. Čakajem.
U sanatoryi z žurnalistami razmaŭlać admaŭlajucca. Nie kažuć i pra
18 studzienia ad zajmanaj pasady kiraŭnika spravami prezidenta (hetaj struktury i naležyć sanatoryj u Sočy) vyzvalili Mikałaja Korbuta. A praz try dni hetaje kresła zaniaŭ Viktar Šejman.Užo 7 lutaha na naradzie ŭ Alaksandra Łukašenki Šejman vystupiŭ z zajavami pra karupcyju ŭ Kiraŭnictvie spravaŭ prezidenta. Novy kiraŭnik tady adznačyŭ, što ŭsie zaŭvahi tyčacca i budaŭničaj haliny, na jakuju mohuć być źviernuty pravierki. Jon havaryŭ pra nizki ŭzrovień budaŭnictva, zavyšeńnie koštu abjektaŭ, finansavyja parušeńni. Padkreśliŭ, što asabliva charakterna heta dla budaŭnictva abjektaŭ za miežami Biełarusi. Mieŭ na ŭvazie Sočy?
Łukašenka ŭ Sočy zajaviŭ pra toje, što «nam treba skončyć spravu, skončyć usie hetyja budoŭli. Treba zrabić usio, kab sanatoryj u Sočy pryvieści ŭ paradak».
U miescy rehularnaha adpačynku Alaksandra Łukašenki, jahonaj faktyčnaj čarnamorskaj rezidencyi, ad 2009 viałosia maštabnaje budaŭnictva.U im i mohuć chavacca pryčyny dla zamieny dyrektara.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu8
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5858
Kamientary