Marazy buduć patrabavać ad ludziej nadzvyčajnaj aściarožnaści.
Vadochryšča, jak heta časta, byvaje, budzie supravadžacca vialikimi chaładami. Arktyčny antycykłon budzie nasoŭvacca na krainu pačynajučy z čaćviarha.
Jak prahnazujuć sinoptyki, u Minsku pieršym vielmi maroznym dniom stanie piatnica. Unačy tempieratura apuścicca da minus 14. A ad niadzieli da piatnicy nastupnaha tydnia tempieratury buduć stabilna apuskacca da minus 15—20 hradusaŭ. Pryčym za košt rezkaha, praniźlivaha vietru adčuvańnie ŭ aŭtorak, sieradu budzie jak na minus 31. Paciapleńnie prahnazujecca tolki ad suboty 25 studzienia.
Najchaładniej budzie na Mahiloŭščynie. Rekordnyja minusy čakajucca na jaje ŭschodzie: Amścisłaŭ, Kryčaŭ, Kaściukovičy. Tam tempieratury ŭ paniadziełak i aŭtorak mohuć apuścicca da minus 26 (adčuvańnie na minus 33). U samim Mahilovie budzie da minus 24. Nadzvyčajny maroz pratrymajecca siem dzion: ad hetaj piatnicy da nastupnaj. Pryčym u Padniaproŭi ŭsie hetyja dni tempieratury buduć ekstremalnymi. Paciapleńnie prahnazujecca ad suboty 25 studzienia.
U Hrodnie ŭ piatnicu i subotu budzie da minus 9. Vialikija marazy pačnucca ad niadzieli. Tempieratury buduć apuskacca da minus 19. Paciapleńnie prahnazujecca tolki ad suboty 25 studzienia.
U Breście budzie najciaplej. Ale i tam ad paniadziełka da piatnicy tempieratury buduć apuskacca da minus 10—15. U adroźnieńnie ad poŭnačy Biełarusi, na Pabužžy i ŭ Zachodnim Paleśsi budzie vielmi śniežna. Adčuvacca maroz budzie taksama macniej za realnyja tempieratury: na minus 20. Paciapleńnie taksama prahnazujecca ad suboty 25 studzienia.
U Viciebsku słupok termomietra ad piatnicy da piatnicy budzie apuskacca da minus 15—20. Pik marazoŭ čakajecca ŭ sieradu-piatnicu nastupnaha tydnia. Paciapleńnie prahnazujecca tolki ad suboty 25 studzienia.
U Homieli kalučy maroz taksama pratrymajecca siem dzion: ad hetaj piatnicy da nastupnaj. Najnižejšaja tempieratura tam prahnazujecca ŭranku paniadziełka: da minus 21 hradusaŭ, ale z adčuvańniem na ŭsie minus 30. Ahułam tempieratury mohuć apuskacca nižej za minus 20 tam až piać dzion, ad niadzieli da čaćviarha. Paciapleńnie prahnazujecca ad suboty 25 studzienia.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu8
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5858
Kamientary