Rasija admoviłasia ad prajekta pabudovy AES u Kalininhradskaj vobłaści
Krainy Jeŭrasajuza nie chočuć kuplać rasijskuju enierhiju, tamu ŭźviadzieńnie stancyi straciła eanamičny sens.
Rasijskaja hazieta «Kommiersant» paviedamiła, što Rasija adrakłasia płanaŭ zbudavać u Kalininhradskaj vobłaści AES. Jak paviedamiła vydańnie, urad Rasii spačatku adkinuŭ raniejšy płan zbudavańnia AES siaredniaj mahutnaści, a paśla — i AES nizkaj mahutnaści. Ciapier jon razhladaje mahčymaść pabudavać stancyju, što budzie vypracoŭvać elektraenierhiju na pryrodnym hazie abo kamiennym vuhali.
Rasija płanavała pabudavać u Kalininhradskaj vobłaści da 2017 hoda AES mahutnaściu 2,3 tys. miehavat, jakaja była b aryjentavana na rynki susiednich dziaržaŭ. Pakolki płany adnosna ekspartu pravalilisia, letam minułaha hoda Maskva pryznała, što prajekt časova prypynieny.
U toj ža čas Maskva zastajecca pry svaim žadańni prakredytavać pabudovu Biełaruskuju AES u Astraŭcy na miažy ź Litvoj. Jaje placoŭka była vybrana Alaksandram Łukašenkam taksama z raźlikam na pastaŭki elektraenierhii ŭ Bałtyju.
Były premjer Litvy Alaksandr Abišała miarkuje, što razmovy pra budaŭnictva AES u Kalininhradskaj vobłaści byli palityčnym prajektam i dymavoj zasłonaj. «Ja dumaju, što hety vypadak byŭ dvaisty — akazać cisk, kab nie budavałasia [Visahinskaja] stancyja i kab krainy Bałtyi nie sinchranizavali elektrasietki ź Jeŭrapiejskim Sajuzam», — zajaviŭ Abišała na Delfi.lt.
Pavodle jaho słovaŭ, daŭno było jasna, što ŭ Kalininhradzie nie moža być nijakaj atamnaj stancyi. Jon miarkuje, što rašeńnie Rasii zharnuć hety prajekt moža aznačać, što rasijskija analityki paličyli: krainy Bałtyi nie buduć budavać svajoj AES u Visahinasie, a tamu možna spynić i dymavyja zasłony.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ11
Kamientary