Kvaśnieŭski: Paśla Ukrainy Pucin choča zachapić Biełaruś, Kazachstan i Łatviju
Meta Kramla — maksimalnaje adradžeńnie SSSR. Takoje mierkavańnie ŭ intervju PAP vykazaŭ były prezident Polščy Alaksandr Kvaśnieŭski (pierakład - charter97.org).
«Pucin nie chavaje svaich namieraŭ. U svaich vykazvańniach jon zakranaŭ temu «Vialikaj Rasiei». Na samicie NATA ŭ Buchareście ŭ 2008 hodzie jon zajaviŭ, što Ukraina źjaŭlajecca štučnaj dziaržavaj. Taksama jość artykuły rasiejskich stratehaŭ, u jakich havorycca, što miežy krain u Savieckim Sajuzie byli akreślenyja niapravilna i treba źmianić postsavieckija miežy. Jany śćviardžajuć, što heta pytańnie nie tolki Ukrainy, ale i Kazachstana, niekatorych abłaściej Biełarusi i častki Łatvii. Taksama zastajecca adkrytym pytańnie Małdovy, Hruzii i azijackich respublik byłoha SSSR. I ciapier my nazirajem prymianieńnie hetaj daktryny. I navat nie treba źviartacca da vyviedvalnaj dziejnaści, kab viedać, što metaj Pucina źjaŭlajecca maksimalnaje adradžeńnie ŭsiaho, što było stračana razam z raspadam SSSR. Nie abaviazkova ahniom i miačom, a «vajnoj chaosu». Heta značyć palityčnymi mietadami, ekanamičnaj destabilizacyjaj i ŭździejańniem praz srodki masavaj infarmacyi», — ličyć palityk.
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5656
Kamientary