Miž strałkoŭcami i bajevikami načalnika Słužby biaśpieki DNR pačaŭsia ŭzbrojeny kanflikt
Jak paviedamlajuć sajty bajevikoŭ, načalnik Słužby biaśpieki (anałah KDB) tak zvanaj Danieckaj Narodnaj Respubliki Alaksandr Chadakoŭski ź viernymi jamu bajevikami ŭkryŭsia ŭ horadzie Makiejeŭka. Ź im syšła čaść bajcoŭ bataljona «Uschod». Jany zaniali budynak tresta «Makiejeŭvuhal» i akapalisia na pazicyjach vakoł jaho.
Bataljon «Uschod» — adno z samych bajazdolnych padraździaleńniaŭ terarystaŭ. Jano składałasia z rasijskich śpiecnazaŭcaŭ i byłych supracoŭnikaŭ danieckich siłavych struktur. Sam Chadakoŭski — były kiraŭnik danieckaj «Alfy», atrada śpiecpryznačeńnia Słužby biaśpieki Ukrainy. Jon zdradziŭ prysiazie, pryčym pad jahonym kiraŭnictvam 17 krasavika pad Słavianskam byli z zasady rasstralanyja byłyja pabracimy z «Alfy» kijeŭskaj.
Na minułym tydni miž prychilnikami Chadakoŭskaha i Strałkova razharełasia infarmacyjnaja vajna. Prastrałkoŭskija sajty, siarod jakich i Imperiya.by, vinavacili Chadakoŭskaha ŭ pravalnaj apieracyi ŭ Danieckim aeraporcie, u vyniku jakoj zahinuła bolš za 50 bajevikoŭ. Chadakoŭskamu zakidali niekampietentnaść, a mo i zdradu. Viadoma, što hety čałaviek doŭha i vierna słužyŭ Rynatu Achmietavu.
U svaju čarhu, Strałkova abvinavačvali ŭ fiurerstvie i zdačy Słavianska biez boja.
Kamientary